sms طلاق ال

أهلا بيكم معانا فى أول موضوع من مواضيع البنات عايزة أيه طبعا أحنا كنا بنفكر كتير نكتب أيه فى أول موضوع وماكناش متخيلين أنه هيجيلنا مشاركات وأفكار من بنات زى اللى جت لنا
ونحب فى البداية نوضح أننا هنا مش علشان ننقد الرجالة لا خالص وأنتوا هتشوفوا بنفسكم أننا كتير هننقد الستات والبنات
يعنى أحنا هنعرض حاجات كتير مش طبعا كل حاجة هتكون نقد للآخرين ولكن لما يبقى فيه نقد صدقونى الكل هيكون متساوى ومش هانيجى على طرف على حساب الطرف التانى يالا بقى ندخل على المشاركة الأولى اللى جت لنا وعلى تعليقنا عليها ومستنين أفكاركم وتعليقاتكم

-------------------------------

smsطلاق ال

انتى طالق

كلمة يقولها الرجل مرة عابثا وآخرى مستهترا وأحيانا مضطرا كلمة سهلة بعيدة التأثير نافذة
التدميركلمة بقولها تتغير مصائرنعم ليس مصيرا واحدا هو الذى يتغير ولاسيما لو هناك أولاد
أيضا تتبعثر حياة الاسرة بكلمة
من فضلكم أيها الرجال انتبهوا قبل ان تجهروا بها
تساؤلات عديدة راودتنى كيف ننظر للمطلقة سواء كانت مظلومة أوتستحق ماحدث لها ؟
لا قدر الله لوحملتى هذا اللقب كيف ستواجهين المجتمع؟
طب لوجالك عريس مطلق هتقبلية؟ ويمكن اللى خلانى أتطرق لهذا الموضوع هو أحدث صيحات الطلاق
ففى الاسبوع الماضى حدث فى مصر أول حالة طلاق

sms
أيوة راجل طلق مراتة برسالة ع الموبايل يا سلام اية السهولة دى30 قرش تخلصك من التهمة اللى ف بيتك ها أية رأيكم؟

ويا سلام لو بعتلها 3 رسايل يبقى طلاقا بائنا لا رجعة فية يااة هى وصلت لكدة تفتكرو الطلاق دة شرعى اصلا طب لوطلع شرعى وصحيح يبقى هى تخلعة بربع جنية احسن يوم عن يوم قيمة الحياة الزوجية بتقل بل بتنعدم وبعدين تشجعونا ع الجواز وتقولو البنات عاوزين اية ؟ عاوزين راجل قد كلمتة وشكراااااااا

ودى كانت مشاركة الصديقة شيكابالا التى تعلق فى المدونات بهذا الأسم

---------------------------

وطبعا اللى هيقرا كده هيقول يوه برضة هتنقدوا الرجالة لا لا أستنوا معانا وأنتوا هتعرفوا

Bos bos

أيه اللى خلى الراجل اللى فكر يطلق مراته ما يكلفش نفسه حتى ويقول لها كده فى وشها للدرجة دى هيا كانت بشعة معاه ووصلته أنه يطلقها فى رسالة موبايل ومن هنا لازم ننبه كل بنت وسيدة ونحذرها من الوصول للمنطقة دى طبعا الطلاق هو الطلاق بس بيفرق كتير فيه طلاق هتكون فيه المرأة ليها كرامة لكن الطريقة دى ما أعتقدش وأعتقد أن الست السبب الرئيسى فى وصول الراجل لكده
لو كانت فعلا الست مظلومة وجوزها هو اللى مش كويس نفسى أعرف لية كده هو خلاص ما بقاش فيه حاجة أسمها كرامة ولا تقدير لواحدة عاشت معاك تحت سقف بيت واحد لية بجد تعملوا كده دى كلمة الطلاق نفسها لما الواحد بيقولها فى وش مراته بتهد جبال تخيل بقى لما تتقال برسالة ياااااااااااااااااه منتهى اللاآدمية فى التعامل مع الست
الست والراجل الاتنين عاشوا مع بعض وبعدين وصلوا لطريق مسدود لية يسيبوا بعض بمشاكل لية الأتنين ما يحترموش بعض لية يوصلوا للنقطة دى
هنرجع تانى للستات اللى ممكن يدمروا حياه الست بكلامهم أكتر ما هيا أدمرت وتلاقى أمها أو أختها صاحبتها جارتها بينقلوا كلام وشائعات عن سبب الطلاق وأنه طلقها بالطريقة الفلانية و للأسف كده بيضروها جامد وأرجع واقول أن الستات بيضروا بعض أكتر وطبعا مش كلهم كده ومش كل الرجالة وحشين دى فئة فى الأتنين محتاجة شوية عقل
وممكن فعلا تكون الست ماعملتش حاجة بس جوزها هو اللى كده يبقى لية الناس والمجتمع كمان يضروها أنا شايفة أن المسئولية مشتركة بين الأتنين وبتمنى أسمع رأيكم

--------------------------

همسات ساكنة

فعلا الموضوع ده خطير جدا موضوع الطلاق بصفه عامه بيهدد اسره على بعضها .. بيهدد زوج وزوجه واطفال ..كمان لما يكون الطلاق بالطريقه المشينه دي اكيد ده بيهدد اكتر

وهي تضمن منين ان ده زوجها اللي بعتلها الطلاق .. مش يمكن حد اخد موبايله وبعتلها يعني مفروض ميكونش الطريقه دي هي طريقه للطلاق
bos bos غير أن زى ما

قالت :- 0

مفروض هما عاشوا فتره مع بعض فالحياه التي كانت بينهم تحتم عليهم احترام كل طرف للاخر
منقدرش ننكر ان اغلب حالات الطلاق بتكون بسبب المراه
مثلا وقت اما يكون الزوج متعصب من شيئ معين لازم تتحمله وعندما يتعرض لازمه ماليه يتحتم عليها انها تتحمل ظروفه وتكون معه في الشده قبل الفرح لان الحياه عباره عن مشاركه مش اننا نحاول نبحث عما يغضب الاخر
كمان اوقات بيكون سبب الطلاق من الرجل لان اوقات مش بيقدر يراعي ان زوجته تعبانه شويه بشغل البيت او العنايه بالاطفال وبنلاقيه بيطلب منها طلبات ممكن ان تؤجل بوقت اخر فليه كل طرف ميراعيش ظروف الطرف الاخر
لو حطينا سؤال البنات عايزه ايه من خلال الموضوع ده :
اكيد حتكون اجابتنا ان البنات محتاجه ان الاهتمام يكون اكبر من كده وميكونش الطلاق بكل السهوله دي.. ولما يلاقوا ان الحياه اصبحت مستحيله بينهم يتفقوا على كل شيئ على ايجاد افضل حلول ..
ميفكروش في نفسهم بس لا يفكروا في اطفالهم كمان ايه حيكون مصيرهم وياترى ممكن بعد الطلاق سيتزوج اي طرف منهم وياترى الاطفال حيعيشوا مع زوج أم .. ام مع زوجه اب

----------------------

smasem

قال الله تعالى: " ان ابغض الحلال عند "الله الطلاقفاعتقد ان الرجل اصبحت كلمه انتى طالق كلمه سهله فى نطقها صعبه فى عواقبها
فما اسهل عندما يغضب الرجل من زوجته ان يقول لها انتى طالق
دون التفكير فى ماذا بعد
و تطورت حالات الطلاق من ان يلقى الرجل على زوجته اليمين فى وجودها
الى ان اصبحت كما نرى عن طريق الاختراعات و الرسائل القصيره
و لما لا
و اذا كان الطلاق يتم بهذه الطريقه سيصبح الزواج ايضا بهذا الشكل
فربما سيبعث الرجل رساله قصيره للمرأه ليقول لها انه تزوج منها
و ربما فيما بعد سنتخلى على المأذون الشرعى و نستبدله بالمأذون الالكترونى
و باذن الله وثيقة عقد القران و وثائق الطلاق ستوضع على اقراص ( سي دى ) و لما لا
فنحن الان على نهج ميكنة شرع الله فى عصر الالكترونيات وربنا يستر علينا من خفايا المستقبل الالكترونى

------------------------------

سهر الليالى

لا أعلم ماذا حدث حتى نصل لما وصلنا إليه من فوضى وأستهتار لهذا الحد وبماذا ... برباط مقدس مثل رباط الزوجيه من المفترض أن يجمع بين شخصين على المودة والرحمه

أهو غياب للتربيه الصحيحه والفهم الصحيح لمفهوم الزواج فى حد ذاته ؟؟؟

أم أختلاف الفكر والقناعات بأختلاف الزمن والعصر الذى نعيشه ؟؟؟

لماذا لم نعد نسمع " أدينى قاعده وهستحمل عشان أربى العيال " أو نسمع " ماهى دى برضو أم العيال ومش معقول أضحى بيها " جمل مثل هذه كانت تصلح عقول وتقيم كيانات بأسرها وتحيى حياه من جديد

لماذا أصبح سهل على زوجه أن تقول " وايه يعنى منا هشتغل وهعيش بنفسى " أو نسمع زوج يقول " ما أدور على واحدة أحسن وأنا ألف مين تتمنانى" أأصبحت كل حياتنا هى الماديات والأشياء الحياتية ... أين دفء معنى الأسرة والزوج الحامى والسند والزوجه الحضن الدافى والأمان

نعم شرع الله لنا الطلاق ولكنه أبغضه كل البغض ... ونعم هناك حالات يستحيل فيها العشرة بالرغم من كل شىء لا أنكر ... ولكن علينا قبل الوصول لذلك القرار أن نكون فعلنا المستحيل فحال القدر دون ذلك .. فلا نصل لمثل هذا الهوان برسالة لم يتعدى ثمنها الثلاثون قرشا .. نعم هناك شك فى وقوعها ولكن المعنى مؤلم

اعتقد أن علينا التروى من البدايه وتحديد غايتنا من زواجنا فلا نحلم بأشياء ونتزوج على أساسها ونبحث بعد الزواج على غيرها فلا نجده فيحدث الخلاف

--------------------------
مستنين كل آرائكم وأفكاركم ومشاركتكم هنا وعلى الميل

elbanatayzaea@gmail.com