RSS
Wecome to my Blog, enjoy reading :)

Sunday, August 10, 2008

لا أريدك أنانى

الأنانية الصفة اللى محدش بيحبها أبدا واللى للأسف موجودة فى ناس كتيرة سواء كانوا ستات أو رجالة ولكن اللى هتكلم عنه حالا هو الرجل الأنانى
الرجل الأنانى بيكون أى علاقة لية أو أى معاملة معاه بتغلب عليها صفة الأنانية بدرجة كبيرة ولكن أى معاملة أو أى علاقة ممكن تعدى الا علاقة الراجل بزوجته
الزوج الأنانى اللى بيحب كل حاجة تكون ليه وما بيحبش أى حد الا نفسه فعلا العيشة معاه بتكون مستحيلة
ولكن ساعات بنات كتيرة ما بتعرفش الصفة دى وما بتكتشفهاش الا بعد الزواج ولكن للأسف هو لو فكر شوية وأدى كل واحد حقة زى ما هو بياخد كل حقوقه هتكون الحياه حلوة قوى
الزوج الأنانى أول حاجة تلاقية أختار زوجة مفيش زيها يعنى زى ما بيقولوا مال وجمال وحسب ونسب وكل الصفات اللى أحنا نعرفها دى وممكن نلاقية أختار واحدة كمان بتشتغل شغلانة محترمة جدا وناجحة فيها لدرجة كبيرة ولكن أول ما يتجوزوا يظهر على حقيقتة ويحب دايما يكون هو فى الصورة وعلشان كده كتير بيطلب من مراته تسيب شغلها وتقعد فى البيت وكمان بيكون عايزها تعمل له كل حاجة وتحاول تسعده بكل الطرق الممكنة وبياخد فعلا كل حقوقه كاملة ولكن للأسف ما بيديش أى حد حقه لا بيدى مراته حقها ولا بيدى ولاده كمان حقهم وتلاقيه بيبرر ده مثلا بأنه مشغول أو بأنه مش عارف يعبر عن اللى جواه أو بأى شىء تانى
لكل رجل لازم قبل ما تفكر فى حقوقك تعرف أيه هى واجباتك الأول تجاه زوجتك وأبناءك وبلاش تكون أنانى وتفكر فى نفسك وأسعادها بس لأنك فى النهاية مش هتلاقى حد جمبك وكل الناس هتسيبك وأولهم مراتك وولادك اللى أنت خدت منهم كل حاجة وما أديتش ليهم أى حاجة
وكل البنات والستات عموما بتكره الرجل الأنانى
لا نريد رجل أنانى فالحياه بدونك أسهل وأحسن بمراحل من وجودك فيها

25 comments:

Anonymous said...

صعبة قوي لما يكون الشخص أناني بيهدم اللي حوليه عشان مصلحته ومبيفكرش غير بنفسه ودة ممكن يخسرة الناس اناني يعني زوجنتة تدي بدون مقابل بدون سؤال تكون زي الخدامه صفه صعبة جدا لا يمكن اقبلها

son's egypt said...

السلام عليكم
الاناية في الشخص دليل علي انه غير واثق بنفسه
اسوء خلق هو خلق الانانية سواء عند الرجل واو المراة

ِِAdem El-Mahdy said...

hاتفق معك

و المشكلة هى مشكلة ثقافى الرجال اتربوا عليها

و محتاجه

حطة لغيرها عن طريق الاعلام

لان برضه الاعلام اللى رسخ افكرة الانانية عند الناس

Lamia Moukhtar said...

طب ما هم الرجالة أصلاً بيتربوا علي كده من صغرهم وبيبقي في دماغهم من الطفولة إن الأنثي كائن من الدرجة التانية .. مهما قالوا من إن المرأة خدت حقوقها هي طبعاً لسه ما خدتش ولا ربعها لأن أهم حاجه في الحقوق هي نظرة المجتمع العامة لها اللي مفروض تتغير ويعرف الراجل إنها بتتعب في البيت وفي الشغل ويقدرها ، مش يفتكر إنه طبيعي إنه يبقي هو الأمير وهي الجارية زي ما بيزرعوا فيه من صغره

Mohamed Hesham Safa said...

دي ماحدش يختلف عليها ان الانانية صفة مذمومة على طول الخط سواء في الراجل او الست على السواء ...

Amr Abdel Azim said...

صحيح انا مؤمن اننا عايشين فى مجتمع ذكورى الرجل فيه يسعى لتاْكيد مدى سلطويته وفرض سطوته على المراْة بوصفها بحكم وفقا للمعتقدات والمورثات الشعبية والتراث بنها كائنا ضعيفا من السهل اهدار حقه واستباحة حقوقه فى تقاسم الحياة والتعايش معا مع الايمان باهمية التمايز والاختلافات البيولوجية تلك التى فطرها الله فى كلا الجنسين , محاولة ايصال تلك المفاهيم وغيرها وجعها واقعا معاش فى حياتنا امر فى غاية الصعوبة بمكان , لكنه قد يتحقق فى يوم ما الايام , لاي يعننى بوصفى رجل ان كنت سلطويا هو المراْة نفسها لماذا تسعين الى محاولة اخذ الرجل المبادرة فى التنازل عن سلطويته ويديكاتوريه طوعيا بدون محاولة اقتناص الفرص المؤاتية وما الى ذلك باساليب ترقى الى مستوى المعاملة الانسانية فى مختلف العلاقات الاجتماعية ليس فقط الزواج , فى را~ى ذكاء المراْة يلعب دورا محورا فى ذلك الامر , اما القاء التهم على الرجل فكيف وان سمحت له المراْة باخذ هذا الدور , كما ان انطباع صفة الانانية على الرجل ذاته امر غير حتمى بدرجة كبيرة فان استثار المراْة بعض الحقوق المنزلية كعدم تدخل الرجل فى تربية الاولاد والمشاركة فى مصروف البيت تجعل المراْة تدخل فى صراع طويل ومحموم ضد الرجل الذى سعى فقط من اجل المشاركة ولو بقدر ضئيل فى ادارة شئون المنزل , القاء التهم جزافا ومحاولة التعميم خطا منهجى قد تقعون فيه فى المرات القادمة من فضلكم تحسسوا وتلمسوا خطواتكم الحيثية مع قدر من تقييم الخطى والمبادرات ...عموره

Anonymous said...

good blog
good post

thx u 3ll blog and posts

Ehab said...

لا اناني ولا انانيه
الأتنين اصعب من بعض
والمشكله بقى ان الأناني بيحس دايما ان التانيه واللي اناني وظالمه وجاحد ومش بيديله حقه لأنه بيفترض ان كل حاجه من حقه وكل شيء بالنسبه ليه حق رسمي
بالتالي عمرك ما تقدري توضحيله غلطته

ربنا يهدي نفوسنا جميعا

سلاااااااااااااااااااااااام

Mustafa Şenalp said...

çok güzel site. :)

heba zinel3abedin said...

اها دة حقيقى الراجل الانانى بيحاول دايما بكل الطرق انة يكون هو الافضل وبطل القصة حتى لو كان دة على حساب اقري الناس لية وهى زوجتة

عازف الناى الحزين said...

انا عايز اقول انه للأسف المشكلة من الأول مشكلة الست اللى ربت الراجل الأنانى ده
مشكلة ثقافة مجتمع كان ولا زال بيهتم انه يدى الولد كل حاجة و يحرم البنت من كل حاجة
مشكلة الأم اللى بدل ما تبقى جنب بنتها للاسف بتكره انها خلفت بنت و بتفخر بابنها الراجل و تربيه على إنه هو الكل فى الكل و إنه ياخد كل اللى نفسه فيه فلازم يطلع أنانى
جان جاك روسو قال مرة " إن الرجال من صنع النساء فإذا أردتم رجالا عظماء علموا المرأة ما هى الفضيلة و عظمة النفس "

بسمه عبدالباسط said...

anonymous

فعلا هيا صفة صعبة ومحدش فينا ممكن يتقبلها

تحياتى

بسمه عبدالباسط said...

sons egypt

وعليكم السلام

فعلا هو اسوأ خلق
وربنا يبعدنا عنه

تحياتى

بسمه عبدالباسط said...

adem el-mahdy

فعلا الاعلام بيرسخ افكار كتيرة غلط وياريت تتغير

تحياتى

بسمه عبدالباسط said...

lamia moukhtar

فعلا هيا طريقة التربية الغلط من الاول ونظرة مجتمع غريبة نفسنا تتغير

تحياتى

بسمه عبدالباسط said...

mohamed hesham

فعلا عندك حق

تحياتى

بسمه عبدالباسط said...

sociology

احنا مش بنرمى تهم ولا بنقول حاجة مش موجودة
وكمان مش بنقول ان كل الرجالة كده
فيه رجالة كويسة ميه فى الميه وفيه برضة ستات كويسة وستات مش كويسة
احنا مش بنعمم احنا بنتكلم عن فئة اكيد هيا موجودة بينا

تحياتى

بسمه عبدالباسط said...

StEEl BeaUtY

شكرا على الزيارة
وبنتمنى تكررها

تحياتى

بسمه عبدالباسط said...

الشنكوتى الكبير

فعلا عندك حق لا انانى ولا انانية والمشكلة انه صعب تقنع طرف بأنه أنانى

تحياتى

بسمه عبدالباسط said...

Mustafa Şenalp


شكرا على الزيارة

تحياتى

بسمه عبدالباسط said...

heba zinel3abedin

فعلا عندك حق وربنا يخلص كل الناس من الطبع ده

تحياتى

بسمه عبدالباسط said...

عازف الناى الحزين

فعلا الغلطة هيا غلطة المرأة من الاول اللى بتربى الولد على كده

تحياتى

مصري بالغربة said...

انا شايف ان كل مواضيعك

عن العيوب بالزوج او الخطيب

بالرجل بصفة خاصة

طيب ليه في كل بوست ما تذكريش

العيوب من الطرفين الرجل والست

ولا هي كل العيوب بالرجل بس

حتى لو انك وضحتي ده في اول البوست ان فيه ستات انانيات

طيب ما تسردي تفاصيل الموضوع ده عند الستات بردوا

ولا هي المساواة في الحقوق

والحاجات التانية لا؟

بسمه عبدالباسط said...

مصرى بالغربة

احنا لينا فكرة معينة وهيا اننا بنقول عايزين ايه من الطرف التانى سواء كان زوج او خطيب او اخ او اب او اى حد له صلة بينا
ومش هدفنا طبعا نقد الطرف التانى ولكننا بنوضح الحاجات اللى مش عجبناها فى الطرف التانى

zainab said...

فعلا عندكم حق الأنانيه شئ صعب قوى

لكن انتم اتكلمتم على المشكله بعد الزواج

طيب ازاى نكتشفها قبل الزواج

تحياتى

 
Copyright 2009 البنات عايزة إيه Powered by Blogger
Blogger Templates created by Deluxe Templates
Wordpress by Ezwpthemes