RSS
Wecome to my Blog, enjoy reading :)

Tuesday, June 29, 2010

هو صحيح الحب بيختفى


اختفاء الحب بعد الجواز موضوع قتل بحثا ولكن مازال عندى فضول كبير أعرف الأسباب اللى بتخلى الحب يهرب من الشباك لما المأذون يدخل من الباب وتبقى الحياة روتينية ممله وتبقى الناس زى اللى مربوطين فى ساقية عمالين يلفوا حوالين بعض وحوالين نفسهم وعايشين فى خنقة ومشاكل وعدم تفاهم مالوش نهاية


والحكاية بسيطة قوى كل ما أكلم واحدة صاحبتى أو أعرفها بأى طريق ومتجوزة وتيجى سيرة البيت والجواز والعيال الاقى كم من الخنقة والتريقة واللعن فى الجواز وسنين الجواز وفى الراجل والعيال وفى العيشة كلها وطبعا بعد كم الأكتئاب اللى بيشع من كلامهم فجأة الاقى التفاؤل نزل تانى وأسمع السؤال المحفوظ ها مفيش حاجة

بالذمة بعد الكلام اللى بسمعه منهم هيبقى عندى نفس أعمل حاجة ده حتى لو فيه حاجة هقتلها بدل ما أدخل فى نفس الساقية دى


والأهم أن مش كلهم جواز صالونات ولا جواز حب بس ولكن من ده على ده ولكن فى النهاية كل كلامهم بيبقى متشابه يعنى مش فارقة فى النهاية لا الجواز عن حب ولا جواز صالونات ولا حتى مساطب وطبعا دة بناء على تجاربهم والكلام والحاجات اللى بشوفها منهم


وأكيد الكلام دة موجود حوالينا فى ملايين المتجوزين والغريب أن قبل جوازهم بيبقوا حاجة وبعد الجواز بيتغيروا ويتبدلوا ويلبسوا نضارة سودة للحياة وبيحسوا أن الجواز نهاية المطاف والحياة وبكده هما نهوا رسالتهم فى الدنيا


طيب لو كان هو ده الحال وفعلا الحب بيهرب من الشباك أول ما المأذون بيدخل من الباب أمال هما عايشين مع بعض لية شفقة يعنى

يعنى لو مفيش حب حتى لو أتولد بعد الجواز أمال الناس هتعيش مع بعضها لية بيعذبوا نفسهم وخلاص ولا هيا بتتجوز علشان لازم تتجوز وبس


هو أكيد الحياه مابتكونش حب فى حب وكلام حلو ورمانسيات على طول وأكيد لازم يكون فيه مشاكل ومنغصات كتيرة ودى الحياه العادية لكن حكاية أن الحب مايبقاش موجود وينتهى دى بجد مش قادرة أصدقها أمال أحنا هنعيش مع بعض لية لو ماكناش بنحب بعض أو لو ما حاولناش نحب بعض


ومازلت طارحة السؤال اللى مقدرتش أوصل لأجابة نهائية ليه


هو صحيح الحب بيختفى ؟؟


بقلم بسمه عبدالباسط


5 comments:

ٍSOU said...

انا من خلال خبرتى المتواضعة هجاوبك...مصيبتنا تتلخص فاننا قبل الجاز بنحلم بالفارس الهمام الطيب الكريم اللى بيفهمنا و مش عايز حاجة غير رضانا و كلام الخيال العلمى دة كلة (اللى ساعات بنلاقى جزء منه ايام الخطوبة) و بعد الجواز هوب بخ كلة بيتختفى مش لانة كان تمثيل..اطلاقا...بيكون حقيقى لان الغربال الجديد له شدة..الواحد بيكون مبسوط من كلا الطرفين انه اخيرا لقى حب حياته و هيستقر و بيرسم الاحلام الوردية و هو يتنازل عشان يسعدها و هى تلبى اوامرة لحد بعد الجواز بشوية يبدء كل واحد يفوق و يحس انه بتنازلة دة بيفرض شخصية الطرف الاخر عليه و ان شخصيته بتتمحى بالتدريج و خصوصا لما الخلافات بين الطرفين تظهر و كل طرف يحس ان الطرف التانى مش هامه انه يسعده...دة غير ضغط شغل الراجل اللى بيكون متوقع انه هيرجع البيت يلاقى نانسى عجرم واقفة بتغنيلة من على بابا العمارة و هيطلع البيت يلاقيه زى م مدام نظيفة بتقول و السفرة مفروشة و لا احسنها ريستورن فيكى يا باريس (انا ببالغ بخيال الراجل بس ممكن ليه لآ يتخيل كدة) المهم انه بيرجع بيلاقى واحدة مستنية انها تشكى و تحكى وهو عايز ياكل و يأنتخ على الكنبة و يشغل الماتش او يدخل ينام او يخرج مع اصحابة و اجارك الله بئة لو كان مدمن بلاى استشين...طبعا دة بيخلى الطرف التتانى حاسس بمنتهى الاهمال لانها بتكون مستنية جوزها يرجع بفارغ الصبر عشان تشكيلة و مش عايزة منه حاجة غير انه يسمع و يطبب عليها مش اكتر و لا اقل ...هو متخيل انها بعد الشكوى عايزة الحل و ماحولش انه يطبب...و لو فى يوم زعلوا هى بتتخيل ان هيرجع البيت ببوكية ورد او وردة على اضعف الايمان يعنى تلاقية راجع ايد ورا و ايد ادام دة لو مرجعش بتكشيرة يا شر اشتر ...هو حاسس انها مش مقدرة و هى حاسة انه انانى ماحدش بيفكر يفتكر ايام الحب و الخطوبة عشان مايتنازلش و يتصالح و يصالح الحياه ويقول لآ هو اللى يبدء و كلا الطرفين بيستنى التانى يبدء لحد م يتوهوا فى دوامة الحياة و العيال و المصاريف و الشغل و الخ الخ....تفتكرى فين مكان الحب فى حياة كل طرف مستنى التنانى؟؟؟؟؟

فى نقطة كمان لو انتى عندك خلفية من صغرك عن الصحابة و الرسول عليه الصلاة و السلام و اخلاقهم و كانوا ازاى كرجال و ازواج و اباء و اتربيتى عليها و فضلتى من ضغرك عارفة ان هى دى الصورة بتاعة الراجل بتتصدمى بالواقع اوى اوى اوى ...و للاسف ساعسات فى كتير بيقولوا هما مش من امهات المؤمنين عشان نكون احنا صحابة و نفس الحال مع الطرف الاخر بتقول هو مش صاحبى عشان اكون انا كمان صاحبية المعاملة هتبقى بالمثل لانها بتكون شايفة انه اقل بكتير من ماكانت متخيلة لان المفروض ان الراجل يقتدى بالرسول عليه الصلاة و السلام و الصحابة رضوان الله عليم ...المسألة معقدة و محتاجة تأهيل لكلا الطرفين انهم يكونوا ازواج و اباء و امهات صح...للاسف مافيش عندنا دورات تأهيل ...بجد محتاجينها

اسفة لو طولت بس انا متاكدة انك هتستمتعى بالرد لانة اعتقد هيجاوب على تساؤلك و هيحط نقطة او نقطيتن على الحرف :)

أنا - الريس said...

بعد السلام والمرحبة
انا مش بنت
بس اقولك اللي انا شايفه ان الموضوع
متبادل في الرجالة
تحليلي بدون علم
الراجل عايز يسخر من الجواز فقط
البنات اما مثلا بتخاف من الحسد ، زي ايام الكلية تلاقي واحدة تقولك طول النهار مذكرتش طب بتقولي ليه .
ورأي الشخصي
إن الجواز مش مبني علي أساس طيب زي الدين

إما اعجاب بالشكل أو بالروح أو حتي السلوك لأن احنا بشر وسلوكنا بيتغير طبعا الدين هنا برضوا نسبي بس مش زيهم
عن أبي هريرة - رضي الله تعالى عنه - قال: قال رسول الله -صلى الله عليه وسلم-: " لا يفرك مؤمن مؤمنة إن كره منها خلقا رضي منها آخر " رواه مسلم

حتي زوجات الرسول كن يغضبن

كان رسول الله صلى الله عليه وسلم يقول لعائشة: أنى لأعلم إذا كنت عني راضية وإذا كنت عنى غضبى.. أما إذا كنت عنى راضية فإنك تقولين لا ورب محمد.. وإذا كنت عني غضبى قلت: لا ورب إبراهيم؟؟ رواه مسلم


سألت السيدة عائشة رضي الله عنها ما كان رسول الله صلى الله عليه وسلم يعمل في بيته؟ قالت: كان بشرًا من البشر، يخيط ثوبه ويحلب شاته ويخدم نفسه. رواه الإمام أحمد

اللينك دا هيقولك حجات كتير بحثت وجبته

http://shababelikhwan.net/ib/index.php?showtopic=13464

شفـقــة و إحســــان said...

انا سامعة سيرتى فى البوست
مين قال شفقة
ههههههههههههه
بصى يا بسمة الحب المفروض انه بيقوى بعد الجواز وبيكبر بس ده المفروض اما الواقع واللى بيحصل دلوقتى انه الحب مش بيموت وبس لا ده بينتحر

noor el2alb said...

انا بنت لسه متجوزتش بس من خبرتى من اللى حواليا ومن وجهة نظرى
ان الحب مش بيطلع من الشباك ولا حاجه
كل الحكايه ان الحب قبل الجواز بيكون حب حاجتين حب الرغبه وحب الروح
بعد الجواز بيكون حب الرغبه قل شويه بيفضل حب الروح وده عمرى ما بيهرب
بس اللى بيخلينا نحس انه هرب
ان الطرفين اتعوده ع الحب القوى اللى
هو كان ضامم الحبين
فلما تقل شده حب فيهم وده الطبيعى
فبيبدا كل واحد يشكى ان معدش ف حب ويبد الاهمال عشان قال ايه الطرف التانى مهمل ويبدا السناريو المعتاد بتاع اى جواز وده لان مفيش حد فيهم قدر يفهم ايه السبب
وف كمان حاجه قبل الخطوبه انت ف بيتك وهو ف بيته فى ناس بيشفهم غيرك
عصبيته او اى ضغط عنده مش بتشفيه
لانه ممكن وقت ما يكون متعصب مش هيكلمك مثلا فبتالى بيكون الغالب ع العلاقه جو الرومانسيه والحاجات دى بس لما تكونوا انتم الاتنين ف بيت واحد 24 ساعه مع بعض هو راح وجه انتى اللى ف وشه وانتى نفس الحكايه بتالى اى ضغط بيكون واضح وبياثر وبتنشا المشاكل
وكمان معروف جدا ان مرحله اللهفه والشوق والحاجات دى قلت لانكم اصلا ع طول مع بعض والحاجات دى هى اللى بتدى شدة الحب ايام الخطوبه
واكبر دليل ان الحب مش بيهرب ان الاتنين لو بعده عن بعض فتره صغيره هتلاقى يوم اللقاء وبعده فتره نفس ايام الخطوبه رومانسيه فظيعه ولهفه وشوق وكل حاجه
الحل ف الجوازات اللى عن حب انهم يفهموا طبيعه الحياه صح ويتعايشوا معاها مش يفضلوا يرددو ان معدش حب والكلام ده
وكمان بلاش ننسه صغط الحياه والمسئوليه والاطفال الاول كان كل حياة واحد فيهم حب وامل انهم يتجوزا دلوقتى بقه ف بيت مصاريف اطفال تفكير ف مستقبل كل ده برده بياثر
بس والله الحب موجود بس محتاج رفرش
مش بيهرب ابدا
الا طبعا لكل قاعده شواذ
يارب اكون اقدرت ارد ع سؤالك براى المتواضع

noor el2alb said...

انا بنت لسه متجوزتش بس من خبرتى من اللى حواليا ومن وجهة نظرى
ان الحب مش بيطلع من الشباك ولا حاجه
كل الحكايه ان الحب قبل الجواز بيكون حب حاجتين حب الرغبه وحب الروح
بعد الجواز بيكون حب الرغبه قل شويه بيفضل حب الروح وده عمرى ما بيهرب
بس اللى بيخلينا نحس انه هرب
ان الطرفين اتعوده ع الحب القوى اللى
هو كان ضامم الحبين
فلما تقل شده حب فيهم وده الطبيعى
فبيبدا كل واحد يشكى ان معدش ف حب ويبد الاهمال عشان قال ايه الطرف التانى مهمل ويبدا السناريو المعتاد بتاع اى جواز وده لان مفيش حد فيهم قدر يفهم ايه السبب
وف كمان حاجه قبل الخطوبه انت ف بيتك وهو ف بيته فى ناس بيشفهم غيرك
عصبيته او اى ضغط عنده مش بتشفيه
لانه ممكن وقت ما يكون متعصب مش هيكلمك مثلا فبتالى بيكون الغالب ع العلاقه جو الرومانسيه والحاجات دى بس لما تكونوا انتم الاتنين ف بيت واحد 24 ساعه مع بعض هو راح وجه انتى اللى ف وشه وانتى نفس الحكايه بتالى اى ضغط بيكون واضح وبياثر وبتنشا المشاكل
وكمان معروف جدا ان مرحله اللهفه والشوق والحاجات دى قلت لانكم اصلا ع طول مع بعض والحاجات دى هى اللى بتدى شدة الحب ايام الخطوبه
واكبر دليل ان الحب مش بيهرب ان الاتنين لو بعده عن بعض فتره صغيره هتلاقى يوم اللقاء وبعده فتره نفس ايام الخطوبه رومانسيه فظيعه ولهفه وشوق وكل حاجه
الحل ف الجوازات اللى عن حب انهم يفهموا طبيعه الحياه صح ويتعايشوا معاها مش يفضلوا يرددو ان معدش حب والكلام ده
وكمان بلاش ننسه صغط الحياه والمسئوليه والاطفال الاول كان كل حياة واحد فيهم حب وامل انهم يتجوزا دلوقتى بقه ف بيت مصاريف اطفال تفكير ف مستقبل كل ده برده بياثر
بس والله الحب موجود بس محتاج رفرش
مش بيهرب ابدا
الا طبعا لكل قاعده شواذ
يارب اكون اقدرت ارد ع سؤالك براى المتواضع

 
Copyright 2009 البنات عايزة إيه Powered by Blogger
Blogger Templates created by Deluxe Templates
Wordpress by Ezwpthemes