RSS
Wecome to my Blog, enjoy reading :)

Wednesday, March 5, 2008

العنف يولد الأنفجار




قديما قالوا الكبت يولد الانفجار وعلى حسب مقولتي الجديده فان العنف يولد الانفجار
ليس المقصود بالعنف هنا العنف بالضرب فقط ولكن هناك عنف آخر ربما يغب عنه البعض الا وهو العنف اللفظي
انه أشد أنواع العنف فاللفظ يجرح بكثير أكثر من الضرب .. ربما أن اللفظ يكون تاثيره أعمق في ترك أثر قوي في النفس
هناك بعض العائلات لا تستخدم في التربيه سوى العنف سواء بالضرب والاهانه أو باللفظ والكلمه السيئه
لا يعلمو ان هذا يزيد من سوء الحاله النفسيه للشخص
فلنفرض ان هناك عائله بهذا الشكل سينشئ الابن او الابنه عنده عقده نفسيه اكيد وسيترتب عليه نقل هذه العقده لمن سيشاركه الحياه فيما بعد
وربما تنتقل العدوى ايضا الى الجيل الذي يليهم اي ابناءهم
احب ان اوجه كلمه للاباء والامهات الذين يستخدمون العنف في منازلهم .. انكم لا تدرون ان العنف جريمه بيعاقب عليها واذا كنت تقول اننى لا اعنف عليهم بل اقول لهم فقط (انت فاشل ).. او (انتي فاشله)00
ربما تكون في نظرك كلمه هينه وبسيطه لكنك لا تعلم ما هو مدى تاثيرها على نفوسهم وما مقدار التاثير السلبي الذي تركته في انفسهم
انك لا تتعلم ايضا انك تسببت في دمار بيت مستقبلي قبل ان يبنى
اخيرا وليس اخرا اقول ان العنف ظاهره انتشرت في مجتمعنا بصفه كبيره جدا .. نجدها في البيوت وفي الشوارع
عندما نجد طفل صغير بيعمل من الصغر هل لا يعتبر ذلك من انواع العنف اذا قلتم لا فهل عندما يقوم صاحب العمل بضرب هذا الطفل الصغير لانه اخطا في شيئ ما هل هذا لم يعد عنفا
اذا دخلنا بيت ما ووجدنا الاب يميز بين ابنه وابنته ويقول لا اريد انجاب البنات وانا احب ابني ولا احب ابنتي هل لا يعدو هذا عنفا
كل هذا واكثر انواع من العنف المختلفه سواء بالضرب وسواء باللفظ
عايزين نتذكر جميعا سويا ان الرسول عليه الصلاه والسلام كان دايما بيتعامل بالكلمه الطيبه والكلمه الحسنه ولم يستعمل العنف بحياته فلمذا لا نقتدي به بحياتنا ولا نستخدم العنف

ملحوظه مهمه جدا : -0
اننا لا نريد ان نعمم السلبيه ولكن بنحاول ان نجد المشكلات ونجد حلول لها واكيد كل ذلك سيكون من خلال ارائنا جميعا واراء زوارنا اكيد

-----------------

قلوب حائرة

المرأة اللي بتدي الفرصة للعنف عليها بسكوتها لاول مرة بيعتدي عليه ولو بلفظ
فلو من أول اشارة للعنف بتاخذ رد فعل مناسب لهذا الامر هتحول دون حدوثه مرة أخرى
وكتير من الازواج بيعتبر ان ضرب المراة قد جاء في القران والسنة ولكن الامر مفهوم غلط
لان الرسول كمان لما بيجي يضرب كان بيضرب بالسواك
ولما كان تنفذ معه كل الاساليب الاخرى

14 comments:

صاحب المضيفة said...

موضوع مهم وحيوي جدا في كيفية التعامل مع الأطفال خصوصا في الوقت اللي بنعيشه دلوقتي


لو كل واحد التزم بتعاليم دينه في الحفاظ عل ى نسيج أسرته وحرص على تنشاة عياله نشأة دينية وثقافية تمام


كانت الدنيا اتغير حالها


تحياتي

Ehab said...

بصوا بقى انتوا جبتوا موضوع حلو قوي المره دي

كتير قوي من الناس بتعتمد على الضرب كوسيله فعاله للتربيه
وكوسيله فعاله لإجبار الزوجه على سماع الكلام وتنفيذ الأوامر

ولاحظي ان معظم اللي بيضربوا زوجاتهم وابنائهم بيبقوا فاشلين في حياتهم العمليه او الأجتماعيه
ولأنه مش قادر يشبع رغبة التفوق عنده فبيخرجها على الي ايده تطوله
امبارح شفت واد حلاق واقف قدام المحل بتاعه وشكله متغاظ من موقف حصل ليه مش عارف ايه الموقف لكن لقيته واقف عمال يشتم في الدنيا واللي فيها وهيموت ويلاقي حد يضربه وحظه عيل صغير واقف كده والواد برده غتت يعني عمال يستظرف عليه قال يعني مبيخافش راح التاني ماصدق لقى حد يفش فيه غله فضربه
المشكله ان كل واحد بيدور على حد اضعف منه يطلع فيه الكبت اللي عنده
ومبيفكرش ان الموقف بيفضل محفور في ذاكرة الضعيف ده طول عمره سواء ضرب سواء شتيمه هي نفس القصه
والنتيجه ناس بتطلع كل يوم كارهه بعض وكل واحد مستني دوره يجي علشان يركب ويذل اللي تحت منه بأي طريقه

والعلاج ايه نربي نفسنا لأن اللي قبلينا مش كلهم بيعرفوا يربوا صح
مش علشان ابويا رباني بالضرب يبقى اضرب ولادي
ومش علشان زمايلي اهانوني يبقى اهين اللي بعد مني
ومش علسان جاري اذاني
يبقى أذي اللي تحت مني

وده بقى يتعمل ازاي الله اعلم
لا يغير الله ما بقوم حتى يغيروا ما بأنفسهم

بجد موضوع تحفه

سلااااااااااااااااام

ابو العربى said...

رائع جداا
لازم فعلا نحسس النشأ بوجوده ونشجعه وعند الخطأ لابد من بعض الخشونه وليس العنف واثابته عند الصواب والخطأ
ولابد من نبذ العنف فى مجتمعاتنا ولو حتى كان العنف لفظى

قلوب حائره
وكان مقصد الضرب فى الدين الاسلامى هو التوبيخ فقط ويكون ضرب بلا الم

واخيراا

انا نفسى ان يكون فى ماده اجباريه للمتزوجين حديثا لا يتم استخراج وثيقه الزواج الا بعد دراسه علم النفس للاطفال وكيفيه تربيه الطفل

تحياتى

Anonymous said...

زيارتي الأولى

اعجاب شديد بما في المدونه وبالطرح

دمتم بخير

محبتي

أنا حر said...

العنف اخطر المشاكل اللي بتواجه مجتمعنا واللي للأسف احنا مش واخدينا بالنا فعلا ان سببه حاجات صغيرة بسيطة ممكن تتصلح في سلوكياتنا وطرق تربيتنا للأطفال او تعاملتنا مع البنت او الولد
الموضوع محتاج توعيه بشكل كبير لأن المجتمع اوشك على الانفجار فعلا
تحياتي

همسات ساكنه said...

Whispers just for a Night
هي بوس بوس المتحكمه في المدونه من وضع بانرات وكده فان شاء الله لما حتدخل حتشوف
واكيد كلنا مع نصره نبينا الكريم

همسات ساكنه said...

صاحب المضيفه
هو الموضوع مش الهدف منه كيفيه التعامل مع الاطفال بس لا كيفيه التعامل مع كل الناس اللي عايشه بالمجتمع
وفعلا لو التزم كل شخص بتعاليم دينه حيكون مجتمعنا من افضل المجتمعات
بشكرك على تواجدك معنا

همسات ساكنه said...

الشنكوتي الكبير
عندك حق ان كل واحد حصل معاه موقف بيكون عايز يطلع اللي حصل فيه مع شخص تاني وطبعا مش معقول حيطلع ده على شخص قوي اكيد حيدور على شخص اضعف منه
اعتقد ان العنف مش هو التربيه السليمه واغلبيه الناس اللي بيعتمدو على الضرب بحياتهم بيكونوا غالبا تربيتهم كانت كده اصلا معتمده ع الضرب وغالبا برضه بيكونوا معقدين نفسيا شويه من كتر العنف اللي شافوه في طفولتهم

همسات ساكنه said...

ضد الظلم
اكيد لازم يكون فيه بعض الخشونه شويه في التربيه عشان ميتعودش الطفل على تلبيه كل حاجياته لازم يعرف ان مش كل حاجه مجابه .. لان الدلع الزائد بيؤدي الى نفس نتيجه العنف فاكيد التربيه الوسط افضل حاجه
عجبني اوي الاقتراح اللي قولت عليه فعلا دلوقتي فيه كتير متزوجين مش بيكونو عارفين كيفيه التعامل مع الطفل ولو الاقتارح ده اصبح ماده اجباريه اكيد كله حيتعلم ازاي يربي الطفل

همسات ساكنه said...

انا حر

العنف اصبح مشكله خطيره جدا وكتير مش واخدين بالهم من المشكله دي
دلوقتي مهتمين بقضايا كتيره لكن غافلين عن مشكله العنف
لكن انا شايفه ان قضيه العنف مهمه جدا لان قائم عليها موضوع التربيه
والعنف بين الاباء سيولد العنف في الابناء وسيصبح مجتمعنا يسوده العنف بشكل كبير وتتضخم المشكله
وللاسف كمان فيه متير فاكرين العنف انه بالضرب بس لكن العنف ممكن يكون باللفظ وياريت مجتمعنا برضه ياخد باله كويس من النقطه دي

بشكرك على تواجدك منا

hamssah said...

جميل قوي الموضوع وطريقه العرض
فيه كمان صور تانيه للعنف وامثله كتييير بنشوفها كل يوم
لكن الشيء الغريب من وجهه نظري ظاهره العنف لمجرد العنف ايوة العنف لمجرد العنف شيء فعلا غريب ومستفز
برافو يا بنات بوست حلو
همسه

همسات ساكنه said...

hamssah
مفهمتش قصدك لما بتقولي العنف لمجرد العنف
ياترى قصدك ان الانسان بيكون عدواني اصلا بالفطره وبيحب يستخدم العنف دايما وبيدور على اي اسلوب من العنف عشان يطبقه
لو ده قصدك فعلا فيه ناس كتير بتعمل كده بتطبق العنف لانها اتربت عليه واصبحت عدوانيه ومش بتعرف تتعامل غير بالعنف رغم انها بتكون عارفه ان ده عنف لكن مش بتقدر تتعامل بشكل اخر

لو مش ده قصدك ياريت تعرفينا ايه قصدك

تحياتي ليكي ولمرورك

Anonymous said...

موضوع مهم و طرح جميل
في موضوع الضرب :
الاسهل للاهل ان هم يضربو الابن علي ان هم يعلموه
و الاسهل للزوج علي انة يضرب زوجتة علي انة يناقشها
و للاسف ناس كتير بتستعمل الاسلوب دة
و في اي حالة هو اسلوب مرفوض

بسمه عبدالباسط said...

hunikal

طبعا هو اسلوب مرفوض بس فيه ناس مفيش عندها غير الاسلوب ده

تحياتى

 
Copyright 2009 البنات عايزة إيه Powered by Blogger
Blogger Templates created by Deluxe Templates
Wordpress by Ezwpthemes