موضوع مهم قوى بيحصل لكل فتاه وشاب ولكن تعالوا الأول نعرض المواقف اللى بتحصل للفتاه وبتضايقها وبعدين نعرض المواقف اللى بتضايق الشباب 0
بس بداية الموضوع ده بيكون حساس لكل بنت جدا وفيه مواقف كتير بتزعلها وتضايقها أكتر من الولد يالا نبدأ0
العرسان اللى بيجوا لكل بنت طبعا زمان الوضع كان مختلف عن دلقوتى بكتير وكانوا الناس بتحترم بعضها وتحترم الأسر اللى هما رايحين لها ولكن دلوقتى الوضع أتغير تماما وبقوا الناس بيتعاملوا مع البنات على أساس أنهم بضاعة أو سلعة وكل أسرة عندها ولد بتجهز نفسها لليوم اللى هتبدأ فيه اللف على البضايع الكتيرة الموجودة وللأسف ثقافة مجتمعنا أتغيرت 0
مواقف كتير بتتعرض ليها البنت وأسرتها ممكن الأسرة ما يحسوش شوية بده ولكن البنت اللى بتتحط فى الموقف ده مرة وأتنين وثلاثة بتتعب نفسيا جدا من فكرة أنها تكون بضاعة للى رايح واللى جاى وطبعا أحنا مش بنعترض على طريقة جواز الصالونات ولا بنقول أنها غلط لا بالعكس أحنا بنحترمها جدا ولكن الناس هيا اللى بقت بتتصرف تصرفات غريبة كأنهم رايحين يشتروا بدلة لأبنهم مش رايحين يخطبوا له عروسة وواحدة هتكمل معاه حياته وهتربى له ولاده 0
يالا مع بعض نشوف أيه هيا المواقف دى ولو أى حد عنده أى موقف ياريت يبعته لينا 0
مستنين أى حد عنده أى حكايات عن الموضوع ده سواء كان شاب أو فتاه واستنونا مع عرض لمواقف كتير بتتعرض ليها كل أسرة وكل بنت وشاب 0
9 comments:
ليس لدى قصة خاصة عن هذا الموضوع
ولكن اختى تمت خطبتها بهذة الطريقة وهذا شيئا يزعجنى بشدة
تحياتى
ويسعدنى المرور بمدونتك الرقيقة
انا الحمد لله متجوز قريبتى ما كانش فيها صالونات ولا حتى كنب
تحياتى وساتابع المواقف معك
خالد
موضوع حلو يا بنات
سامحوني غايب عنكم من فتره
المهم يعني
المواق فكتير لكن انا هاسيب البنات هي اللي تحكي طبعا مش انا
اما عن فكرة الولد الفالح اللي بيتكلم عن انها لازم هي السبب
ده ناصح قوي
انا عندي رأي في موضوع انها اتنازلت ده اولا احنا هنتجوز ولا بنعمل اختبار قدرات هي مادمت اختارتها يبقى انت مقتنع انها محترمه من الأول لكن انها تتنازل معاك شويه يبقى اكيد مش هي اللي هجمت على جنابك وباستك بالعافيه يعني
بلاش التلاكيك الكدب دي انا بقرف من اللي ينكر خطأه ويحمله لغيره جدا
يعني مفيش بنت مهما كانت هي اللي بتبدي التنازلات بيفضلوا يتحايلوا عليها ويفضل يتزلل لها لحد ما هي توافقه على اللي هو هيموت عليه
وطبعا الطبع النداله اللي انتشر عند المصريين بيظهر ويقوم يسيبها ويتلكك يقولك دي مش متربيه لا هو اللي مش متربي وندل
وانا متأكد انه اصلا خطبها علشان ينول منها الحاجه دي بس وبمجرد ما وصلها خلاص اللعبه بقت سخيفه وعايز يرميها
ولا هو حرام انها تعمل كده وحلا ان هو يعمل كده يعني
حاجه مقززه بصراحه
تحياتي
سلااااااااااااااااااااااام
السلام عليكم
معلش غايب عنكم من زماااااااان بس ظروف الدراسة والله
موضوعكم جميل و بحيكم علي مشاركاتكم و اهتمامكم
أنا رايي من رأي "بسمة الروح" ان الطريقة هي اللي بقت مش ظريفة يعني ممكن جوازالمسمي جواز الصالونات يتم بس يكون بصورة الطف من كدا...
يعني المفروض ان العريس ميتعاملش علي انه جاي يشتري عروسة و انه هيدفع كذا و هيعمل كذا و يكون ده كل اهتمامه و اساس كلامه
و المفروض ان اهل البنت برده ميخلوش الموضوع مهر قيمة كذا و فرش قيمة كذا و شبكة قيمة كذا و يكون ده اساس كلامهم
في اماكن كتيير في بلدنا .. بتكون فيها للاسف تسعيرة... (بقت حاجةحقيرة للغاية) يعني بنت فلان بكذا الف ..و بنت فلان بكذا الف .. و لا حول ولا قوة الا بالله
و عموما .. اكيد في خير ان شاء الله المهم ان احنا نبدا نتعامل مع الموضوع ده و نخلي فكرتنا عنه ان ثقافة المجتمع هي اللي بقت غلط ..
و نحاول نصلحها .. قدر المستطاع
و مفيش داعي للعقد النفسية و الزعل و الحاجات دي
و ربنا يكرم الجميع باللي يقدر و يحترم و يحب .. سواء رجالة او بنات
بس .. ســــــــلام
goodmn
اهلا بيك
طيب ممكن تبعت لنا قصة اختك لو فعلا فيها حاجات غريبة وضايقتك على الميل بتاع المدونة واحنا نعرضها هنا
او لو عندك اى قصة تانية ممكن تبعتها لينا
تحياتى لك
همس الأحباب
احنا اللى سعداء بزيارتك للمدونة
وتابع معانا كل المواقف
تحياتى لك
الشنكوتى الكبير
اهلا بيك
واستنى معانا المواقف لانها كتير قوى
وبرضة عايزين نسمع مواقف الشباب
ورأيك اللى انت قلته بخصوص الشاب اللى تفكيرة غريب صح جدا
مع انى برضة ضد البنت اللى تقدم تنازل ومعاك فعلا ان الولد هو اللى بيبدأ مش هيا بس برضة البنت غلطانة لانها ادت حاجة لحد مش من حقة ياخدها فى الوقت ده
تحياتى لك
ahmed el.sary
وعليكم السلام
اهلا بيك وربنا معاك ويوفقك
تعليقك فعلا جاب المفيد وانا بحييك عليه وياريت فعلا كل الناس تعمل كده
تحياتى لك
عمرو
اكيد هنزور مدونتك
تحياتى لك
Post a Comment