هل تتعارض المشاعر مع كون الشخص عملى وبيحب شغله وناجح فيه ؟
سؤال بسأله لكل الشباب والرجالة ولكل البنات والستات ولكل الناس عامة
أيه علاقة البرود والجمود فى المشاعر اللى بيصاحب الناس العمليين ياريت حد يفهمنى 0
لية دايما أى واحد بيربط نجاحه فى شغله وتفوقه فيه ببرود مشاعره وعدم الأهتمام بمشاعره تجاه خطيبتة أو مراته ودايما تلاقية بيتحجج بأنه أنسان عملى وعايز ينجح فى شغله
هيا المشاعر هيا اللى هتخليك ما تنجحش فى شغلك ؟
ولا نجاحك فى شغلك هيعوض خطيبتك أو مراتك عن برودك ناحيتها
عزيزى الرجل أو الشاب المقبل على الأرتباط المشاعر حاجة كويسة ومهمة جدا بين أى أتنين ومش بنقول تفضل تحب فيها طول اليوم لأن هلاقى واحد هيقولى أنا مش مراهق ودى كلمة بتتقال كتير
مين قال أننا عايزين واحد مراهق وعمال يتنحنح وطول اليوم كلام حلو ورومانسية ومشاعر
البنات والستات كمان مش مراهقات ودماغهم مش صغيرة كده ولكن كل شىء فى المعقول بيكون كويس يعنى أهتم بشغلك براحتك وأنجح فيه لأن أكيد نجاحك هيفرح الطرف التانى ولكن ماتنساش الطرف التانى وتهمل مشاعره وما تسمعوش كلمة حلوة وأنت أصلا ممكن تكون بتموت فى الطرف التانى بس متخيل أن أعترافك وتصريحك بمشاعرك ضعف أو هيقلل منك قدام الطرف التانى 0
أهتم بمن تحب وعبر له عن مشاعرك وأمنحه الشعور بحبك وأطرب أذنية ببعض الكلمات الجميلة سوف تجد حياتك
سؤال بسأله لكل الشباب والرجالة ولكل البنات والستات ولكل الناس عامة
أيه علاقة البرود والجمود فى المشاعر اللى بيصاحب الناس العمليين ياريت حد يفهمنى 0
لية دايما أى واحد بيربط نجاحه فى شغله وتفوقه فيه ببرود مشاعره وعدم الأهتمام بمشاعره تجاه خطيبتة أو مراته ودايما تلاقية بيتحجج بأنه أنسان عملى وعايز ينجح فى شغله
هيا المشاعر هيا اللى هتخليك ما تنجحش فى شغلك ؟
ولا نجاحك فى شغلك هيعوض خطيبتك أو مراتك عن برودك ناحيتها
عزيزى الرجل أو الشاب المقبل على الأرتباط المشاعر حاجة كويسة ومهمة جدا بين أى أتنين ومش بنقول تفضل تحب فيها طول اليوم لأن هلاقى واحد هيقولى أنا مش مراهق ودى كلمة بتتقال كتير
مين قال أننا عايزين واحد مراهق وعمال يتنحنح وطول اليوم كلام حلو ورومانسية ومشاعر
البنات والستات كمان مش مراهقات ودماغهم مش صغيرة كده ولكن كل شىء فى المعقول بيكون كويس يعنى أهتم بشغلك براحتك وأنجح فيه لأن أكيد نجاحك هيفرح الطرف التانى ولكن ماتنساش الطرف التانى وتهمل مشاعره وما تسمعوش كلمة حلوة وأنت أصلا ممكن تكون بتموت فى الطرف التانى بس متخيل أن أعترافك وتصريحك بمشاعرك ضعف أو هيقلل منك قدام الطرف التانى 0
أهتم بمن تحب وعبر له عن مشاعرك وأمنحه الشعور بحبك وأطرب أذنية ببعض الكلمات الجميلة سوف تجد حياتك
تتغير للأفضل0وهذه النصيحة للطرفين ومش لطرف واحد بس 0
--------------------------------------------
ومعانا فى صفحة المشاكل مشكلتين مهمين جدا ومعاهم الحل
مشكلتك فى عنينا
http://moshkeltak.blogspot.com/2008/06/blog-post.html
11 comments:
غبت كتير عن المدونه بسبب الدراسه والامتحانات بس الحمد لله رجعنا ليها تاني
فعلا عندك حق الحب محتاج الكلمه الكويسه والتعامل الكويس
لو فضل الانسان العملي ده مشغول بشغله بس وماداش اهتمام بخطيبته او مراته فعلا حيفقد كتير والحب اللي بينهم لو كان كبير اوي فجاه حيختفي لانه محتاج اللي ينميه ويكبره
يمكن فيه منهم حيقول انها لازم تستحملني وهي عارفه ظروف شغلي يبقى حتستحمل او اللي حيقول دي بتحبني فمش ممكن تتخلى عني لا بالعكس هي اه ممكن تستحمل مره واتنين لكن مش حتقدر تستحمل طول الوقت لازم تحسسها انك بتحبها وبتقدرها وبتهتم بيها ايه يعني انك انسان عملي مهو الانسان العملي ده ليه قلب برضه ومشاعر لازم ميكونش كل حاجه شغله وبس لازم الاهتمام والحب يكون ليهم نصيب في حياته عشان الطرف التاني ميملش ويزهق وبالتالي حيبطل يحب
رغم ان فيه ناس كتير بتعتبر ان الحب عقبه فى طريقها للنجاح
الا انه فى رأيى ان المشاعر و الحب اكبر حافز على العمل و على النجاح لان الواحد بيكون قدامه هدف يحققه لاسعاد من يحب
و انا من وجهه نظرى ان الشخص المثالى هوا من يستطيع ان يربط بين مشاعره و بين عمله ونجاحه و يوفق بينهم
بصي يا ستي
ممكن ساعات بيكون شخص بطبيعته مش بيعرف يقول كلام رومانسي ولا كلام حب وبيكون فعلا بيعشق حبيبته بس معندهوش القدره يقول من الأخر مبيعرفش ينطق
لكن لأنه بيحب فعلا تصرفاته بتصرخ وتقولها بحبك وبعشقك وهي اكيد هتحسها
مع ملاحظة ان التصرفات دي مش مجرد انه يجيب الأكل والشرب وبيصرف عليها ويقولها حقوقك بتاخديها يبقى انا بحبك لا اللي بيحب ومش عارف ينطق تصرفاته حاجه تانيه هتلاقي بيقلق عليها جدا بيغير كتير ممكن بيسال عنها دايما حتى لو بصوره عمليه من غير رومانسيه وتنهدات هتلاقيه دايما على باله ودايما فاكرها المصيبه بقى في اللي بيقول حلو لكن بينسى كتير ميعاد عيد ميلادها حفله جوازهم كلمه المفروض يقولها سؤال عنها في مشكلها هي بتفكر فيها والبنت بتزعل من كده اكتر ما بتزعل على الكلام الرومانسي اللي مش بيتقال ومليون كلمه حلوه متغنيش عن طبطبه على كتفها وقت حزنها وضعفها
المهم يعني حتة بقى انه يكون عملي قوي في شغله ومش مراهق ومش فاضي للحاجات دي مهما كان استحاله يكون مشغول لدرجة تمنعه من اي كلمه حلوه ايه يعني مفيش دقيقه بالتلفيفون يقولها بحبك وحشتيني
رساله على الموبايل وفيها اسمها وجنبيه قلب بلاش قلب يكتب بس بحبك وهي هتسمع منها مليون رسالة عشق وغرام
اما الي مبيقولش خالص ورافض فكرة الكلام الرومانسي يبقى هو حاجه من اتنين
يا اما العلاقه اصلا مبنيه على العقل وخلاص مفيش عنده مشاعر ليها اصلا
يا اما هو جاموسه مالهوش في الحب ولا الكلام ده يعني اصلا مبيفهمش يعني ايه مشاعر
والأتنين اوحش من بعض
وانا جاي اهدي النفوس
سلااااااااااااااااااااام
الشنكوتى الكبير
فعلا انا متفقه معاك
و كلمه بحبك او حتى التعبير عنها المفروض مهما كانت مش ح تاخد من وقت الشغل حاجه
و ايا كان نوع الشغل برده لابد من التعبير عن المشاعر سواء تجاه الزوجه او الوالدين او الخطيبه او الاخوات حتى
فاللى بيعتبر ان المشاعر بتعطل الشغل فياريت يراجع حساباته من الاول
موضوع وطرح جيد
:)
خالص تحياتي
السلام عليكم
معلش مين اللي قال ان الراجل العملي معندوش مشاعر المشكلة ان كتييييير من البنات مش عارف طبيعة الراجل
الراجل اولا.. اهم حاجة عنده انجازاته في شغله في حياته في اسرته ... عكسكم تماما يا ستات
علشان تلاقيكي جنبك يحكيلك و يتكلم معاكي و يثق فيكي .. لازم متكونيش عقبه قصاد انجازه..شجعيه ادعيله اهتمي باهتماماته .. هتلاقيه معاكي و يقرب منك اكتر
ثانيا... يا ريت تختاروا الوقت المناسب للرومانسيات .. يعني متنتظريش انه يكون 100% و هو راجع من الشغل .. الراجل علي الاقل لازم يقضي ساعة علشان ينتقل من جو الشغل لجو البيت .. غيركم تماما يا ستات .. ياللي ممكن في ثواني تقلب من جو شغل لجو بيت و شغل في المطبخ و أكل للعيال و كلام في التليفون....
مشكلتنا اننا مش فاهمين بعض...
ياريت كل الرجالة يقروا عن الستات
و ياريت كل الستات يقروا عن الرجالة علشان نعرف ازايي الاخر بيتصرف و ازاي بيفكر ..و نفهم بعض صح ...
و ســـــــلام ليكوا كلكم... وشكرا علي المدونة الجميلة
همسات ساكنة
فعلا عندك حق فى كلامك
وحمدالله على سلامتك
تحياتى
smasem
اكيد كلامك صح جدااااااااااا
تحياتى
الشنكوتى الكبير
ياسلام جبت انت الخلاصة
برافووووووووووو
تحياتى
ياسر حسين
اهلا بيك منورنا
تحياتى
ahmed el.sary
احسن حاجة فى كلامك ياريت كل طرف يقرا التانى ويفهمه
ولو حصل كده مش هنلاقى اى مشاكل
تحياتى
Post a Comment