هل تتعارض المشاعر مع كون الشخص عملى وبيحب شغله وناجح فيه ؟
سؤال بسأله لكل الشباب والرجالة ولكل البنات والستات ولكل الناس عامة
أيه علاقة البرود والجمود فى المشاعر اللى بيصاحب الناس العمليين ياريت حد يفهمنى
لية دايما أى واحد بيربط نجاحه فى شغله وتفوقه فيه ببرود مشاعره وعدم الأهتمام بمشاعره تجاه خطيبتة أو مراته ودايما تلاقية بيتحجج بأنه أنسان عملى وعايز ينجح فى شغله
هيا المشاعر هيا اللى هتخليك ما تنجحش فى شغلك ؟
ولا نجاحك فى شغلك هيعوض خطيبتك أو مراتك عن برودك ناحيتها
عزيزى الرجل أو الشاب المقبل على الأرتباط المشاعر حاجة كويسة ومهمة جدا بين أى أتنين ومش بنقول تفضل تحب فيها طول اليوم لأن هلاقى واحد هيقولى أنا مش مراهق ودى كلمة بتتقال كتير
مين قال أننا عايزين واحد مراهق وعمال يتنحنح وطول اليوم كلام حلو ورومانسية ومشاعر
البنات والستات كمان مش مراهقات ودماغهم مش صغيرة كده ولكن كل شىء فى المعقول بيكون كويس يعنى أهتم بشغلك براحتك وأنجح فيه لأن أكيد نجاحك هيفرح الطرف التانى
ولكن ماتنساش الطرف التانى وتهمل مشاعره وما تسمعوش كلمة حلوة وأنت أصلا ممكن تكون بتموت فى الطرف التانى بس متخيل أن أعترافك وتصريحك بمشاعرك ضعف أو هيقلل منك قدام الطرف التانى
أهتم بمن تحب وعبر له عن مشاعرك وأمنحه الشعور بحبك وأطرب أذنية ببعض الكلمات الجميلة سوف تجد حياتك تتغير للأفضل
والنصيحة دى للطرفين ومش لطرف واحد بس
10 comments:
كلامك مظبوط يا بسمه لكن ممكن الطرف العملى مايبقاش عنده برود فى مشاعره
ممكن يكون عايز يعبر عنها بشكل عملى
بتصرف وفعل
مش بمجرد الكلام
وبالتالى الراجل الى متجوز لما يهتم بشغله ومستقبل اسرته ده يبقى اكبر طليل على مشاعره تجاه الى بيحبهم
مشكووووووووووورة على النصيحة الغالية
وكلامج حلو
تقبلي مروري
حتى لو الرومانسية فى البداية اكيد حتختفى بعد الزواج
يا جماعة
انا هاتجنن
انا بقى الراجل اللي بيسمع مراتها لكلام الحلو
والعملي والحمد لله الناجح في شغله
بس هي الهانم اللي سايقة فيها الهبل على العبط
وما باسمعش منها كلمة حبيبي الا قليل جدا
ولما باكون راجل عملي فعلا وباتكلم بلغة عملية
تعيط وتزعل وتبقى زعلة عشان الهانم عايزة تسمع الكلام الحلو بس وما تقلوهوش
قال ايه
زفت مكسوووووووووووفة
حاجة تقرف
تعبتونا وجننتونا
انا لو مشيت في الشارع باقطع في شعري يبقى مش من قليل
منكو يا ستات
عايززين اييييييييييييييه
اووووووووووف
الجزئ المتعلق بكون الراجل بيموت فى مراتة بس مبيقولش فكرنى ببيت شعر بحبة
نعم انى مشتاق وعندى لوعة...ولكن مثلى لايذاع لة سر
تحياتى على البوست الهايل دة
غير معرف
أنا معاك أن الطرف العملى مش شرط يكون عنده برود فى مشاعره
وأهتمامه بشغله وبيته ده فعلا دليل على جبه
ولكن ما نقدرش ننكر أن الستات عامة بتحب أن اللى قدامها يقول لها كلام حلو وطبعا مش هيفضل طول الليل والنهار يقول كلام حلو
ولكن مش يسكتش خااااااالص ياريت يبقى فيه وسطية
ولأن كمان الرجالة بيحبوا يسمعوا كلام حلو حتى لو مش بيقولوا بس بيحبوا يلاقوا الأهتمام وحاجات تانية كتيرة
يعنى لما نعدل الكفة ونخلى كل حاجة فى الوسط هتبقى كويسة
mazyona
العفوووووو
ونورتينى يا جميل
غير معرف
ما هو ده المفهوم الغلط للجواز أن نهاية للحب والرومانسية
-----------------------------
غير معرف
ههههههههههه
طيب بس براحة
أنت كده تمااااام التمام
بس فعلا ممكن تكون هيا بتتكسف وممكن أنت تحاول تخليها ما تتكسفش بطرق كتيرة ممكن أبقى أقولها ف موضوع تانى
بس أكيد كل شىء له حل
الأرموطى
فعلاااااااااا بيت الشعر لايق جداااااااا
ودى على فكرة حقيقة أغلب الرجال وبيعملوا ببيت الشعر ده
نورت المدونة
من كاره التدوين إلى بسمة عبد الباسط ليكي الشرف إن عمري ما عملت كومنت في أي مدونة من ساعة ما اتولدت إلا النهاردة بس وفقط وحصرياً لبسوم
عموما انا يا ستي شايف إن الحب وتأثيره على الحياة العملية مرتبط بطبيعة الشخص نفسه يعني فيه نوع من الناس ميقدروش يحددوا هدفهم في الحياة إلا بناء على وجود شخص يستحق الكد والعناء علشان خاطره وناس تانية طبيعتها مخلياها عايزة تنجح في شغلها علشان تسد الفراغ العاطفي وميحسوش بالنقص في حياتهم أما المجموعة التالتة وهي اللي دخلت القفص واتسلسلت قصدي اتجوزت يعني هي اللي عندها حماس في الحياة العملية من أجل إرضاء المدير علشان في الآخر يديله كام جنيه زيادة يجيب بيهم فاكهة للعياااااااال
Post a Comment