أتكلمنا قبل كده فى حاجات كتيرة أحنا عايزينها من كل الناس اللى حوالينا ولكن فيه حاجات مهمة قوى أحنا عايزينها مش عايزينها من الرجالة بس لا أحنا عايزينها كمان من الستات ومن كل الناس
الحاجة دى هيا الثقة أيوة الثقة لية دايما البنت بتكون محل شك من كل اللى حواليها سواء أم أو أب أو أخ أو زوج أو أبن أو أى حد موجود حوالين البنت أو الست
لية دايما كل أفعال وتصرفات البنت مراقبة ومحل شك من كل الناس كأنها كائن مخطىء دايما ومن السهل أنه يغلط وأنها ماعندهاش عقل تميز الصح من الغلط ولا تقدر تفرق بين الحلال والحرام
لية دايما الولد عنده كل الصلاحيات لكل حاجة ودايما الأهل وكل الناس بتثق فيه على عكس البنت اللى شوية وهيعلقوا لها رادار يراقب تصرفاتها
الولد أنسان والبنت أنسانة والأتنين من الممكن أنهم يغلطوا ويعملوا حاجات كتيرة غلط وحرام والأتنين عندهم نفس العقل وعندهم الحياه والآحلام والطموح
يبقى لية ندى لطرف كل حاجة وناخده من الطرف التانى
لية ندى للولد الثقة العمياء زى ما بيقولوا ونشك فى البنت دايما
عايزة أوصل لكم حاجة أن عدم الثقة سواء كان للبنت أو للولد ممكن يدفعهم لعمل حاجات كتيرة غلط وممكن يكونوا كويسين جدا ومش بيغلطوا وأخلاقهم عالية جدا ولكن لعدم الثقة فيهم وغضبهم من الموضوع ده فنلاقيهم بيعملوا حاجات غلط كنوع من أنواع أسترداد حقهم الضايع
يعنى أحنا بندفع البنت لفعل الخطأ بمزاجنا وبأرادتنا
ياريت تمنحوا البنات الثقة وصدقونى هتلاقوهم قدها وقدها قوى كمان
الحاجة دى هيا الثقة أيوة الثقة لية دايما البنت بتكون محل شك من كل اللى حواليها سواء أم أو أب أو أخ أو زوج أو أبن أو أى حد موجود حوالين البنت أو الست
لية دايما كل أفعال وتصرفات البنت مراقبة ومحل شك من كل الناس كأنها كائن مخطىء دايما ومن السهل أنه يغلط وأنها ماعندهاش عقل تميز الصح من الغلط ولا تقدر تفرق بين الحلال والحرام
لية دايما الولد عنده كل الصلاحيات لكل حاجة ودايما الأهل وكل الناس بتثق فيه على عكس البنت اللى شوية وهيعلقوا لها رادار يراقب تصرفاتها
الولد أنسان والبنت أنسانة والأتنين من الممكن أنهم يغلطوا ويعملوا حاجات كتيرة غلط وحرام والأتنين عندهم نفس العقل وعندهم الحياه والآحلام والطموح
يبقى لية ندى لطرف كل حاجة وناخده من الطرف التانى
لية ندى للولد الثقة العمياء زى ما بيقولوا ونشك فى البنت دايما
عايزة أوصل لكم حاجة أن عدم الثقة سواء كان للبنت أو للولد ممكن يدفعهم لعمل حاجات كتيرة غلط وممكن يكونوا كويسين جدا ومش بيغلطوا وأخلاقهم عالية جدا ولكن لعدم الثقة فيهم وغضبهم من الموضوع ده فنلاقيهم بيعملوا حاجات غلط كنوع من أنواع أسترداد حقهم الضايع
يعنى أحنا بندفع البنت لفعل الخطأ بمزاجنا وبأرادتنا
ياريت تمنحوا البنات الثقة وصدقونى هتلاقوهم قدها وقدها قوى كمان
-----------------------------------
فى انتظار كل مشاكلكم وأفكاركم وأى حاجة عايزين نتكلم فيها
أبعتوا لينا على ميل المدونة
18 comments:
هو اللي نعيده نزيده ... الموضوع مش كده خالص ... الموشوع ده ممكن تقولي انه بيبقى خوف عليها ... والخوف ده حب يعني ...
علشان البنت اضعف وبتنجرح بسهوله قوي لازم نحرص عليها قوي
وعلشان البنت مطمع من ناس كتير
واظن الكل عارف اننا مش عايشين في دنيا نضيفه قوي علشان تقولوا اهي تاخد بالها من نفسها صعب عليها
والدليل هو الأجانب كل الستات اللي بتعيش لوحدها بتتعب قوي وبيتحطوا في ظروف قاسيه جدا
اما حكاية اعطاء الولد حريه ذايده بحجة انه ولده بتبرر على انه لازم يتعود على الدنيا
ولو ان ده غلط طبعا لأننا حتى الولاد برده بيتخبطوا في بلاوي الدنيا ومنهم كتير بيضيع نفسه
ونرجع نقول اصلا اخد حريه ذياده
اللي يغيظك بقى
لما تبقى راجل ومعندكش اي حريه
دي حاجه تقصر العمر
سلااااااااااااااااااااام
mohamed hesham
انا عارفة طبعا انه بيكون خوف بس فيه ناس بتزود الموضوع قوى وبيبقى خوف زايد لدرجة انهم بيمنعوا البنت تعمل الحاجات الصح قبل ما يمنعوها تعمل الغلط وبيكون مبررهم الخوف برضة
تحياتى
الشنكوتى الكبير
أنا مابطالبش بالحرية الزيادة ولا الثقة العمياء ولكن بطلب بعض الثقة اللى تحسسها بكيانها وبقيمتها وبأنها أنسان مسئول ويقدر يتحمل نتيجة أفعالة
لكن عمرى ما هطلب الثقة العمياء والحرية الزيادة لانها بتؤدى لمشاكل فى النهاية
تحياتى
السلام عليكم
الثقة مطلوبة لكل انسان
ولكن لا تنسي اننا نعيش في مجتمع شرقي وعربي له بعض التقاليد والعادات التي لا نسطيع ان نخحرج منها
ولكن من حق الولد او البنت ان يتمتعا بالثقة ولكن لليس الثقة المفرطة التي تبعدنا عن عاداتنا وديننا
دى يا جماعة بتعبر عن ثقافة مجتمع وده حاجة احنا نعرفها فى علم الاجتماع كويس جدا , ان المجتمع بيقوم على تقسيم للإعمال لذكور اعمال تختلف بطبيعة الحال عن الاناث , تقسم الاعمال والاختصاصات فى راى احد الاسباب الكامنه وراء فقد الثقة حيث يعهد للرجال باعمال تتفق مع الثقة حيث القوة العضلية والفكرية واخرى هامشية للإناث خلقت انعدام الثقة بالاضافة الى المورث الثقافى الخاطى والمستمد من القيم والعقيدة والفهم المضلل للنصوص الدينية وما الى ذلك , كما تلعب الفتاه ايضا دورا ملموسا وجوهريا فى ذلك الامر
السلام عليكم ورحمة الله وبركاته
هناك فرق بين الثقة والخوف على
يعني أنك تمنحني ثقتك في التصرفات الخاصة بي هذا لا يمنعك من الخوف عليّ من الحياة وما بها
الإنسان سواء ذكر أو أنثى متساويين امام الله في الحقوق والواجبات
وكون المرأة أضعف عضليا هذا لا يقلل منها ويضعها في قالب معين لا تخرج منه لأن لها دور أيضًا في الحياة لن تستقيم الحياة بدونه
لو قدرنا نفهم ان الحياة معادلة لها طرفين الذكر والأنثى التعاملات هاتفرق كتير والمشكلات كلها أو معظمها هايتحل
دمتم في رعاية الله
مين قالك ان الولد اهلو بيثقو فيه
انا اعرف ناس صحابي اهلهم ماوثقوش فيهم لغاية ماتجوزو وخلفو
الثقه بترجع للاهل نفسهم
في اهل بيثقو في تربية ولادهم وبناتهم
بيدوهم سماحية بس في حدود
معاكي ان الاغلب بتكون للولاد
لكن هم مش بيعملو كده للبنات الا خوفا عليهم .. مش خوفا منهم
البنت بطبعها ارق من الولد وماتستحملش البهدله اللي ممكن يتعرضلها الولد لو حصللو حاجه لاسمح الله
تصدقي انا تحيلت موقف لو انا خلفت بنت وخلفت ولد .. هاحب البنت اكتر من الولد
اه والله
البنانيت عسولين اصلا
بس مش عارف بقى هل حبي ليها هيتحول لحرص زياده عن اللزوم وممكن هي تفتكره عدم ثقه بيها ولا لأ
مش عارف
معلش طولت في الكلام .. بس الموضوع حلو الحقيقه
سلامووووووووووز
المسئله مش مسئلة ثقه
دى مسئلة ثقافة مجتمع
الولد من حقه كل شئ والبنت مش من حقها اى شيء
و دا بيظهر فا حاجات كتير غير الاهتمام والرقابه
فى ناس بيعملوا كده كا نوع من الانتقاص من قدر البنت
وفى ناس بتعمل كده بداعي الحب والخوف
اصل البنت غاليه ورقيقه اوى لو مسها حاجه هيكون انعكاسها خطير عليها جدا
بس انا بردوا متفقه معاكوا ان الاتنين بشر الحرام على البنت اكيد حرام على الولد
الجنسيين من حقهم نفس القدر من الثقه ونفس القدر من الرقابه الغير مباشره
لان الاتنين من حقهم يشوفوا الدنيا ويفهوها من منظورهم الشخصي مش بمنظور اللى حواليهم
والله دي ثقافة مجتمع ومن الصعب تغييرها ...
على العموم لو فيه حاجة نعملها انا ايدي على كتفك ...
sons egypt
اكيد كلامك صح وانا ما بطلبش الثقة المفرطة ابدا
بالعكس انا عايزة ثقة ولكن فى حدود
تحياتى
عمرو اجتماع
فعلا دى ثقافة مجتمع ولكنها ثقافة غلط ولازم تتغير
تحياتى
الجده الفصيحة
وعليكم السلام ورحمه الله وبركاته
ياريت نفهم وكل الناس تفهم أن الحياه معادلة بين الرجل والمرأه وان الحياه عمرها ما هتستقيم من غير طرف منهم
تحياتى
soooo
هو فعلا بترجع الحكاية للاهل ولكن اغلب الناس والمجتمع بتاعنا كده واكيد ده بيكون نابع من خوف وحرص بس بيكونوا زيادة قوى وساعات بيكون نابع من عدم ثقة فعلا ودى حاجات انا شفتها مع ناس كتيرة
تحياتى
nile_queen
عندك حق فى كل كلامك
الحرام والحلال متساوى على الاتنين
ولازم يكون فيه ثقة اكتر من كده للبنت
تحياتى
mohamed hesham
اكيد دى ثقافة مجتمع
بس لو كل واحد بدأ بنفسه أعتقد هنقدر نغيرها
تحياتى
دى ثقافة مجتمعية حبيبتى ودى عن جد موجود كتير فى مجتمعنا وقليل جدا لما تلاقى اب وام بعطوا كامل الثقة لبناتهم تعرفى الموضوع دة بيهز ثقة البنت فنفسها وبيخليها مش قادرة ببخد اى قرار لوحدها الا بعد مراجعة الاهل
شى صعب احتمالة دى الينات هتكون مربية اجيال اذاى ندمرهويتهم بالشكل دة
على فكرة صعبتبر اننا نقول علية حب لان الحب لية طرق تانية كتير ممكن يترجم ليها
heba zinel3abedin
فعلا عندك حق
ده بيخلى البنت تفقد الثقة فى نفسها من الاساس
وفعلا دى ثقافة مجتمع وصعب تتغير بسهولة
تحياتى
Post a Comment