bos bos
المرة دى الموضوع نسائى جدا والكلام فيه هنوجهه للستات وللبنات
فيه صفة كلنا نعرفها وهيا التطفل والتدخل فى شؤون وخصوصيات الآخرين وللأسف الصفة دى بتتمتع بيها الستات أكتر من الرجالة وللأسف كمان ممكن بسببها يدمروا حياه كل اللى حواليهم
أنا بطلب من كل بنت وست بلاش تطفل بلاش تدخلى فى حياه اللى حواليكى بلاش تعملى مشاكل ليهم خليكى فى حياتك وخلى كل واحد يمشى حياته زى ما بيحب
هديكم شوية أمثلة على التطفل ده
أول حاجة فى أى عيلة بيكون فيها بنات فى سن الجواز مثلا وأكيد ستات كبار نلاقى الستات دول مش راحمين نفسهم فى الكلام على البنات دول ودى ما أتجوزتش لية ودى وافقت على العريس ده ليه ودى جابت شبكة بكام ودى جابت جهاز بكام طيب أشمعنى فلانة ماجابتش شبكة زى دى وفلانة ما عملتش فرحها فى المكان اللى فلانه عملت فيه فرحها
وكلام من ده كتير بيدمروا بيه حاجات كتيرة وعقول وبيوت كتيرة وبنات كتيرة للأسف بتتأثر بالكلام ده وبيحصل لهم مشاكل وبيدمروا بيه عقول البنات وأهاليهم وبيبوظوا بيه كل حياتهم
المرة دى الموضوع نسائى جدا والكلام فيه هنوجهه للستات وللبنات
فيه صفة كلنا نعرفها وهيا التطفل والتدخل فى شؤون وخصوصيات الآخرين وللأسف الصفة دى بتتمتع بيها الستات أكتر من الرجالة وللأسف كمان ممكن بسببها يدمروا حياه كل اللى حواليهم
أنا بطلب من كل بنت وست بلاش تطفل بلاش تدخلى فى حياه اللى حواليكى بلاش تعملى مشاكل ليهم خليكى فى حياتك وخلى كل واحد يمشى حياته زى ما بيحب
هديكم شوية أمثلة على التطفل ده
أول حاجة فى أى عيلة بيكون فيها بنات فى سن الجواز مثلا وأكيد ستات كبار نلاقى الستات دول مش راحمين نفسهم فى الكلام على البنات دول ودى ما أتجوزتش لية ودى وافقت على العريس ده ليه ودى جابت شبكة بكام ودى جابت جهاز بكام طيب أشمعنى فلانة ماجابتش شبكة زى دى وفلانة ما عملتش فرحها فى المكان اللى فلانه عملت فيه فرحها
وكلام من ده كتير بيدمروا بيه حاجات كتيرة وعقول وبيوت كتيرة وبنات كتيرة للأسف بتتأثر بالكلام ده وبيحصل لهم مشاكل وبيدمروا بيه عقول البنات وأهاليهم وبيبوظوا بيه كل حياتهم
ثانى حاجة ودى حاجة مهمة قوى لما يكون فيه خطوبة وعريس وعروسة الناس بقى تعمل أيه ياسلام ده دى فرصتهم تلاقى أم العريس وأخواته البنات وأم العروسة وأخواتها البنات برضة كل واحدة شغالة فى تدبير وتخطيط كل حاجة للعروسين وكل واحدة بتتكلم على مزاجها وتقول هنعمل كذا وكذا والفرح فى كذا والفرش مش عارفة نجيبه منين أيه ده هو مش بيكلمك لا لا ده غلطان لازم توريلة العين الحمرا وحاجات بقى كتيرة بتتقال من كل الأطراف اللى حوالين العروسة والعريس وساعات كتيرة والله جوازات بتبوظ بسبب تدخل الأهل ويرجعوا يعيطوا ويقولوا ياريت اللى جرى ماكان
ياريت بتمنى عدم دخول أى حد فى حياه العروسين سيبوهم هما يخططوا حياتهم بمزاجهم وبأرادتهم هما مش عيال صغيرة محتاجين حد يختار لهم وأكيد هما محتاجين مشورة ورأى الناس الكبيرة ولكن من غير تطفل ومن غير التدخل اللى بيبوظ كل حاجة وبيعمل مشاكل بين العروسين
يعنى خلاصة الكلام بقول للستات والبنات ياريت بلاش تبقوا متطفلين وزى ما كل واحدة ما بتحبش حد يتدخل فى حياتها ياريت هيا كمان ما تدخلش فى حياه أى حد سواء كان أخوها أو أختها أو صاحبتها أو قريبتها أو أى حاجة
وللناس اللى حظهم بيوقعهم مع ناس متطفلة ومش عارفين تتخلصوا منهم أسمعوا كلام من ناحية وطلعوه من الناحية التانية وأعملوا اللى انتوا شايفينة صح وفى مصلحتكم وياريت بلاش كلام الأهل يعمل مشاكل بين الطرفين
لا تتطفلن
!!!!!!!!!!!!!!!!!!!!!!!!!!!!!!!!!!!!!!!
ياريت بتمنى عدم دخول أى حد فى حياه العروسين سيبوهم هما يخططوا حياتهم بمزاجهم وبأرادتهم هما مش عيال صغيرة محتاجين حد يختار لهم وأكيد هما محتاجين مشورة ورأى الناس الكبيرة ولكن من غير تطفل ومن غير التدخل اللى بيبوظ كل حاجة وبيعمل مشاكل بين العروسين
يعنى خلاصة الكلام بقول للستات والبنات ياريت بلاش تبقوا متطفلين وزى ما كل واحدة ما بتحبش حد يتدخل فى حياتها ياريت هيا كمان ما تدخلش فى حياه أى حد سواء كان أخوها أو أختها أو صاحبتها أو قريبتها أو أى حاجة
وللناس اللى حظهم بيوقعهم مع ناس متطفلة ومش عارفين تتخلصوا منهم أسمعوا كلام من ناحية وطلعوه من الناحية التانية وأعملوا اللى انتوا شايفينة صح وفى مصلحتكم وياريت بلاش كلام الأهل يعمل مشاكل بين الطرفين
لا تتطفلن
!!!!!!!!!!!!!!!!!!!!!!!!!!!!!!!!!!!!!!!
10 comments:
موضوع جميل و مهم جداً
للأسف التطفل أصبح فى الرجال و النساء على السواء .. و كان المجتمع ما بيجد قصاده غير التدخل في امور الغير
النهاردة يتطفلوا على سبب عدم زواجك .. تتزوجي يتطفلوا على خصوصياتك.. و يتطفلوا على حالتك النفسية و التغيير اللي حصل .. و لو انفصلتي يتطفلوا على السبب و يرجعوا تانى يتطفلوا على امتى ح تتزوجي
حقيقي انا شايفة ان التدخل ده بيعني اننا مش لاقيين شىء يملأ حياتنا مش مجرد تطفل بدون داعي لا هو فراغ أصبح حتى الرجال بيشاركوا فيه
دمتي بكل خير و اسعدنى المرور
انتي يا بنت انتي وهي استنوا شويه
هو علشان انتوا عايزين تتكلموا في موضوع الحموات واخوات اجوازكم تقوموا تقولوا ان التطفل مقصور على الستتات بس
لا يا عالم تعالى انتي وهي وهي وهي وانا اوريكم رجاله شغلتهم التطفل ومناخيرهم في كل حاجه
الموضوع جايز يكون منتشر بين الستات بسبب الفراغ وان معندهمش حاجه يعملوها او يحسوا بأهميتهم فيها فمبيصدقوا يعملوا نفسهم مهمين ورأيهم ذو قيمه كبيره في اي موضوع حتى لو ميخصهمش ولأن الرجاله دلوقتي برده منهم كتير بسبب ظروف المجتمع ولأنه بقى في شغله مالوش رأي ولا لازمه فبيبقى عايز يفش همه في اي حاجه ويتدخل في اللي مالهوش فيه
ده غير ان في ناس بيبقى عندها استعداد طبيعي في نفسهم انهم يبقوا متطفلين
ده من ناحية ان التطفل مش مقصور على الستات بس
الجانب الأخر للموضوع بقى هو فكرة التطفل نفسها قد ايه هو شيء سيء لكن الأسوأ منه اننا بنتأثر بيه انا خايف لحسن الناس تقول عني مجبتش ومعملتش ويقولوا عني فقير او بخيل او معفن
وهي خايفه يقولوا عنها مش حلوه او مبتعرفش تتكلم او تعمل او معندهاش زي غيرها
كل واحد خايف من كلام الناس عنه ومن رايهم وممكن يحمل نفسه اكتر من طاقته علشان الناس اللي مالهاش في الموضوع اصلا هتتكلم
نيجي بقى للناس اللي متقدريش تصديهم بحده لأنهم اهلنا امهاتنا واخواتنا وابهاتنا كمان
على قد ما نقدر نهدي اللعب معاهم بلاش نحسسهم اننا بنرفض كل فكره ليهم نحاول معاهم بالراحه ونفاصل معاهم هم مبيملوش من الفصال والناهده يبقى لازم احنا كمان نلاعبهم بطريقتهم المهم ميبقوش زعلانين مننا في الأخر افضل على رايك لكن بهدوء بلاش تتعصب بلاش تقولهم مش من حقكم يتدخلوا هتجرحهم جدا بكلامك حسسهم انهم جوه حياتك علشان يفرحوا معاك لكن دايما اامسك الأمور بحزم ورحمه في نفس الوقت المعادله صعبه انا عارف بس هو في ايه في حياتنا حلو وبيجي بالساهل
وربنا يوفق الجميع
سلاااااااااااااااااااااااااام
دى عادات متأصله فى المصريين صدقينى متقدريش تفوتيها خالص او تعالجيهم منها
والله انتى عندك حق الستات والبنات عندهم تطفل يجنن ربنا يتوب علينا منوا
تحياتى
بوسى
أريج السمر
فعلا مفيش حاجة بتعجب حد أى وضع ما بيبقاش عجبهم وبيفضلوا يتطفلوا بطريقة مش طبيعية وهو اكيد فى الستات والرجالة بس فى الستات اكتر للأسف
تحياتى
الشنكوتى الكبير
هو فعلا التطفل عند الستات والرجالة بس هو عند الستات اكتر للاسف
وفعلا المشكلة فى فكرة التطفل نفسها لانها فكرة مستفزة جدا
وللاسف فيه ناس ما نعرفش نصدهم او نعاملهم وحش زى اهلنا والناس القريبة منا ولازم نتعامل معاهم بحكمة كبيرة وبرضة نعمل اللى احنا عايزينة بس بذكاء
تحياتى
appy
فعلا عادات متأصلة جدا
وللأسف بتضر كتير قوى
تحياتى
قرقوشة
فعلا التطفل حاجة تجنن جدا
تحياتى
على فكرة حبيبتى دى عادات مجتمعات شرقية مش نقدر نحدد هى مكتسبة ولا فطرية بس صعب كتير اننا نغيرها بس ممكن بردة نتدرجها او نحاول نقلل منها
heba zinel3abedin
فعلا عادات شرقية ولكنها عادات بايخة جدا
وياريت لو نقدر حتى نقلل منها
تحياتى
Post a Comment