كتاب البنات عايزه أيه

أخيرا وبعد أنتظار وترتيب شهور طويلة خلاص الكتاب هيكون بين ايديكم فى معرض الكتاب
كتاب البنات عايزة ايه ليا أنا

bos bos بسمه عبدالباسط

وصديقتى بدرية طه

الكتاب فيه مجموعة من موضوعات مدونة البنات عايزة ايه بالأضافة الى موضوعات جديدة لسة ما أتنشرتش


الكتاب يصدر عن دار الكاتب للنشر والتوزيع

الكتاب هيكون موجود ان شاء الله فى معرض الكتاب

مستنينكم كلكم

ويارب الكتاب يعجبكم
بجد أنا سعادتى أنا وبدرية صديقتى فوق الوصف ومش هتكمل الا بيكم ومشاركتكم لينا الفرحة

لينك جروب الكتاب على الفيس بوك وياريت تدخلوا وتدعوا كل أصحابكم

http://www.facebook.com/group.php?gid=41753698964

كل سنه وأنتوا طيبين

كل سنه وأنتوا طيبين وعيد سعيد عليكم ان شاء الله

ومازلت المدونة متوقفة الى حين تحضير مفاجأة لكل متابعيها

ويمكنكم متابعة المواضيع السابقة والتعليق عليها وسوف نعلق على كل التعليقات الجديدة

وكل سنه وأنتوا طيبين

اللهم تقبل منا رمضان

--------------------------------------------------------

كل سنه وأنتم طيبين ورمضان كريم

واعاده الله عليكم بالخير والبركات

--------------------------

المدونة متوقفة طوال شهر رمضان ولحين تحضير مفاجأة كبيرة لكل متابعيها

لكل الزائرين بأمكانكم زيارة أى موضوع والتعليق عليه وسوف نقوم بمتابعة كل المواضيع والتعليق عليها

لا أريدك أنانى

bos bos

الأنانية الصفة اللى محدش بيحبها أبدا واللى للأسف موجودة فى ناس كتيرة سواء كانوا ستات أو رجالة ولكن اللى هتكلم عنه حالا هو الرجل الأنانى
الرجل الأنانى بيكون أى علاقة لية أو أى معاملة معاه بتغلب عليها صفة الأنانية بدرجة كبيرة ولكن أى معاملة أو أى علاقة ممكن تعدى الا علاقة الراجل بزوجته
الزوج الأنانى اللى بيحب كل حاجة تكون ليه وما بيحبش أى حد الا نفسه فعلا العيشة معاه بتكون مستحيلة
ولكن ساعات بنات كتيرة ما بتعرفش الصفة دى وما بتكتشفهاش الا بعد الزواج ولكن للأسف هو لو فكر شوية وأدى كل واحد حقة زى ما هو بياخد كل حقوقه هتكون الحياه حلوة قوى
الزوج الأنانى أول حاجة تلاقية أختار زوجة مفيش زيها يعنى زى ما بيقولوا مال وجمال وحسب ونسب وكل الصفات اللى أحنا نعرفها دى وممكن نلاقية أختار واحدة كمان بتشتغل شغلانة محترمة جدا وناجحة فيها لدرجة كبيرة ولكن أول ما يتجوزوا يظهر على حقيقتة ويحب دايما يكون هو فى الصورة وعلشان كده كتير بيطلب من مراته تسيب شغلها وتقعد فى البيت وكمان بيكون عايزها تعمل له كل حاجة وتحاول تسعده بكل الطرق الممكنة وبياخد فعلا كل حقوقه كاملة ولكن للأسف ما بيديش أى حد حقه لا بيدى مراته حقها ولا بيدى ولاده كمان حقهم وتلاقيه بيبرر ده مثلا بأنه مشغول أو بأنه مش عارف يعبر عن اللى جواه أو بأى شىء تانى
لكل رجل لازم قبل ما تفكر فى حقوقك تعرف أيه هى واجباتك الأول تجاه زوجتك وأبناءك وبلاش تكون أنانى وتفكر فى نفسك وأسعادها بس لأنك فى النهاية مش هتلاقى حد جمبك وكل الناس هتسيبك وأولهم مراتك وولادك اللى أنت خدت منهم كل حاجة وما أديتش ليهم أى حاجة
وكل البنات والستات عموما بتكره الرجل الأنانى
لا نريد رجل أنانى فالحياه بدونك أسهل وأحسن بمراحل من وجودك فيها

من فضلك تحملنى

قلوب حائرة

اعتدتني دائما بشوشة الوجه ، تضيء الدنيا من حولي في إبتسامتي وتغرد البلابل في صوت ضحكاتي وترى الربيع في بريق عيني في أوقات سروري وفرحي ، فلما لاتصبر علي وتحتملني عندما يوجد ما يعكر صفوي ويكدر علي أيامي فهناك أشياء تجعلني لست دائمة على هذا الوضع قد تكون اشياء ضمن تركيبي كأنثي ولا دخل لي بها وتجعلني في حالة من التوتر والعصبية وقد تكون اشياء خارجية تسبب هذا أيضا " كلمات من زوجة

بلاقي كتير فعلا أزواج بيطلبوا من زوجاتهم أنهم يكونوا أغلبية الوقت في حالة سعادة وسرور وتضفي السعادة على المنزل كما لو كانت آلة تقوم بهذا فقط ولايوجد ما يعتريها في بعض الأيام كأنثى يجعلها في حالة مزاجية مختلفة عما كانت تبدو عليه بصفة دائمة أو أن يكون بها هموم تشغل بالها متعلقة بأحد من معارفها أو أصدقائها
ولكن ما يزيد الأمر غرابة أن تجد بعض الأزواج بل أكثرهم ينسون الوجه الضاحك المبتسم بصورة دائمة ويتذكرون فقط هذه الأوقات العصيبة ، ويتهمون زوجاتهم بأنهم دائمي العبوس والتكشير ، شيء غريب حقا أن ننسى كل ما سلف من خير ونقف عند هذه الأوقات فقط
عزيزي الزوج خذ في الاعتبار أن الانثى كأئن مثلها مثلك تعتريها بعض التقلبات المزاجية التي تكون احيانا خارجة عن ارادتها ولا يد لها فيها احتملها في اوقات غضبها حتى تحتملك في اوقات غضبك التمس لها الاعذار حتى تحملك على رموشها في اوقات عبوسك احتملها تحتملك ولا تنسى كل ما مضى من اوقات سعيدة وفي غاية من الجمال أمام لحظات من العبوس والكدر والتوتر فهي ماتريده أي زوجة من زوجها أن يحتملها في أوقات غضبها وتكشيرها و ينسى كل ما تفعله من أجله أمام هذه اللحظات

لا لهذه الأفعال

bos bos

أتكلمت قبل كده فى الحاجات اللى البنت عايزاها من خطيبها ووضحت فيها حاجات كتيرة قوى مطلوبة من الخطيب ولكن فيه أخطاء بيقع فيها الخطيب وبتكون كفيلة لهدم العلاقة بينه وبين خطيبته

أولا التغيير المفاجأ اللى بيحصل فى شخصية الخطيب وده بيكون لأسباب كتيرة ويمكن لأنهم بيكونوا لسة معرفوش بعض وفجأة بيكتشفوا حاجات كتيرة ولكن المطلوب أن التغيير دة يبقى تدريجى يعنى مش معقول تكون فى صورة ملاك وفجأة وبدون مقدمات تتغير للعكس تماما فى كل حاجة

ثانيا أهتمام الخطيب بشغل وطموح خطيبتة ساعات بنلاقى أهتمام كبير قوى فى بداية العلاقة بينهم بشغلها وبطموحها وبكل حاجة خاصة بأحلامها وفجأة نلاقى هدوء وجمود فى الأهتمام وكأنه كان واحد تانى وأتغير
ياريت التغيير ده برضة ما يجيش مرة واحدة ولو مش حابب شغل خطيبتك أو مش من أهتماماتك بلاش تحسسها فجأة بعدم أهتمامك بيه

ثالثا عدم أحساسك بيها وبمشاعرها وعدم تفهمك لطبيعتها الرقيقة واللى بتكون عايزة حد يحافظ عليها ويحافظ على المشاعر دى وكلامى معناه أنه ممكن البنت وأى بنت بتكون حساسة ورقيقة وعندها مشاعر حلوة وساعات كتيرة بتحب تظهر مشاعرها لخطيبها بطرق كتيرة منها مثلا رسالة موبايل أو رنة أو أى طريقة أيا كانت أيه بقى رد فعلك تجاه الحاجات دى تتجاهلها وكأن مفيش حاجة ولا حتى تحاول ترد عليها ولا بكلمه أستنى بقى شوية تجاهلك ده وعدم ردك وأهمالك لمشاعرها كفيل بأنه يجرحها قوى ويضيع شوية المشاعر اللى بدأت جواها ناحيتك وتدمر مشاعرها ونفسيتها جدا
يعنى حتى لو أنت لسة ما حستش بأى مشاعر ناحيتها رد عليها بأى رد حتى لو برنه تعرفها بأنك سعيد بكلامها ليك بلاش تتجاهل مشاعر خطيبتك بلاش

رابعا حاول على قد ما تقدر تحسسها بأنها مهمه عندك ووجودها مهم فى حياتك مش بس مجرد شكل أجتماعى هتكمله

خامسا بلاش تعاملها بطريقة وحشة أو تحاول تعلى صوتك عليها لأن ده بيعتبر أهانه لها ولما تعمل أى موقف يضايقها ياريت ما تتجاهلش اللى حصل ولكن حاول تصالحها وتصلح اللى عملته وبلاش تجرحها وتضايقها أكتر من كده

سادسا بلاش لغة التهديد تكون فى كلامك ليها كتير لأن الاسلوب ده مش هيجيب نتيجة بالعكس ده هيزعلها أكتر وهيحسسها بأنها هتعيش معاك غصب عنها ومهددة دايما بأنك تطردها من حياتك لو ما نفذتش كلامك وأنت طبعا هتنفذ تهديدك

سابعا زى ما هيا مهتمه بأهلك وبتعاملهم كويس جدا أنت كمان أهتم بأهلها حتى لو ماكانتش بتحبهم لكن معاملتك الكويسة ليهم هتقرب منك خطيبتك قوى وبلاش تحسسها بأن علاقتها بأهلها هتنتهى بعد جوازكم وبأن كل حياتها هتنحصر فى علاقتها بأهلك بس لأن أهلها هيفضلوا أهلها مهما حصل زى ما أهلك هيفضلوا أهلك مهما حصل

ثامنا حس بيها وأسمعها وأنت كمان أتكلم معاها وما تحاولش تهملها وتهمل وجودها وتتصرف تصرفات تضايقها وتفضل مصر على كل حاجة بتضايقها وأنت عارف بيها

قولها أمامهم

قلوب حائرة

حبيبتي ، هديتي من السما ، يانورعيني ، روح قلبي " كلام بسيط وسهل وياسلام لو اتقال باحساس والتوقيت بيكون في وقت فعلا تستحق هذه الكلمات والمكان في حشد أمام الجميع ، عزيزي الرجل لا أوصف لك الفرحة والحالة التي تكون فيها زوجتك أو حبيبتك لو سمعتها الكلام ده قدام أهلها أو أهلك واعترفت بحبك لها على الملأ بتخليها في حالة غير الحالة ومود غير المود وكفيل بإذابة أي حواجز تكون الايام والمواقف تسببت فيها

لو رجعت لأيام الخطوبة وكنت بتمسك أيديها قدام الناس وتبص في عنيها بنظرات كلها حنية وكانك بتعلن قدام الجميع حبك لها ، تيجي تبص للحال بعد الجواز هتلاقي الموضوع أختلف تماما حتى ماسكة الايد ونظرة العين تلاشت ليه هو التعبير عن الحب كان في الخطوبة بس

عزيزي الزوج بكلماتك البسيطة الي بتقولها دي بتكون بمثابة آمان لزوجتك تعرف أمان من أيه آمان من غدر الاخرين لما يعرفوا ان جوزها ملي عليها حياتها وبالتالي هي بتبادلك نظرات كلها حميمة لما تقولها الكلمات دي
فبيكون آمان من أي إنسان تسول له نفسه أن يصل إلى قلبها ، اقولك نقطة كمان الكلام ده بيفرق معاها قوي لما الجميع بيكون بيشكر فيها على الملأ والكل بيقول يابخته بيكي وماتلاقيش كلام على الملأ من الإنسان اللى المفروض يقول كده بنفسه

كلمات بسيطة لاتكلف شيء ولكن لها تأثير السحر يجعلها تبذل كل مافي وسعها من أجل أن تكون عند حسن ظنك
وللعلم الأمر لاينقص من رجولتك شيء ولا به أي شيء من الخطأ ولو كان به ذلك ماكان أعلن عنه حبيبك المصطفى صلى الله عليه وسلم فكان كثيرا ما يعترف على الملأ بحبها عندما يسأله أحد من أحب الناس إلى قلبك ويجيب نبيك وقدوتك عائشة دون أي خجل ويعلنها أمام الجميع ، للاسف كتير من الرجال بيظنوا أن اعترافهم بحب زوجاتهم قدام الجميع بيقلل من نفسه ورجولته ولكن على النقيض تماما فأن الامر لايزيده الا وقرا واحتراما من الجميع وبالتالي بيتيح الامر لزوجته أنها تعبر له أمام الجميع عن حبها دون خجل وتقول له انت أجمل ما رأيت في حياتي حفظك الله سندا وحبيبا وصديقا
في رأيكم بإمكاننا التعبير عن حبنا لبعض دون أي خجل وخاصة إذا ماعرفنا حديث نبينا العظيم الذي يقول فيما معناه اذا احب احدكم احد فليخبره فما بالنا ونحن ازواج يعني انا اقرب إليك من أي احد أخر

تحياتي

لا تتطفلن

bos bos

المرة دى الموضوع نسائى جدا والكلام فيه هنوجهه للستات وللبنات
فيه صفة كلنا نعرفها وهيا التطفل والتدخل فى شؤون وخصوصيات الآخرين وللأسف الصفة دى بتتمتع بيها الستات أكتر من الرجالة وللأسف كمان ممكن بسببها يدمروا حياه كل اللى حواليهم
أنا بطلب من كل بنت وست بلاش تطفل بلاش تدخلى فى حياه اللى حواليكى بلاش تعملى مشاكل ليهم خليكى فى حياتك وخلى كل واحد يمشى حياته زى ما بيحب
هديكم شوية أمثلة على التطفل ده
أول حاجة فى أى عيلة بيكون فيها بنات فى سن الجواز مثلا وأكيد ستات كبار نلاقى الستات دول مش راحمين نفسهم فى الكلام على البنات دول ودى ما أتجوزتش لية ودى وافقت على العريس ده ليه ودى جابت شبكة بكام ودى جابت جهاز بكام طيب أشمعنى فلانة ماجابتش شبكة زى دى وفلانة ما عملتش فرحها فى المكان اللى فلانه عملت فيه فرحها
وكلام من ده كتير بيدمروا بيه حاجات كتيرة وعقول وبيوت كتيرة وبنات كتيرة للأسف بتتأثر بالكلام ده وبيحصل لهم مشاكل وبيدمروا بيه عقول البنات وأهاليهم وبيبوظوا بيه كل حياتهم

ثانى حاجة ودى حاجة مهمة قوى لما يكون فيه خطوبة وعريس وعروسة الناس بقى تعمل أيه ياسلام ده دى فرصتهم تلاقى أم العريس وأخواته البنات وأم العروسة وأخواتها البنات برضة كل واحدة شغالة فى تدبير وتخطيط كل حاجة للعروسين وكل واحدة بتتكلم على مزاجها وتقول هنعمل كذا وكذا والفرح فى كذا والفرش مش عارفة نجيبه منين أيه ده هو مش بيكلمك لا لا ده غلطان لازم توريلة العين الحمرا وحاجات بقى كتيرة بتتقال من كل الأطراف اللى حوالين العروسة والعريس وساعات كتيرة والله جوازات بتبوظ بسبب تدخل الأهل ويرجعوا يعيطوا ويقولوا ياريت اللى جرى ماكان
ياريت بتمنى عدم دخول أى حد فى حياه العروسين سيبوهم هما يخططوا حياتهم بمزاجهم وبأرادتهم هما مش عيال صغيرة محتاجين حد يختار لهم وأكيد هما محتاجين مشورة ورأى الناس الكبيرة ولكن من غير تطفل ومن غير التدخل اللى بيبوظ كل حاجة وبيعمل مشاكل بين العروسين
يعنى خلاصة الكلام بقول للستات والبنات ياريت بلاش تبقوا متطفلين وزى ما كل واحدة ما بتحبش حد يتدخل فى حياتها ياريت هيا كمان ما تدخلش فى حياه أى حد سواء كان أخوها أو أختها أو صاحبتها أو قريبتها أو أى حاجة
وللناس اللى حظهم بيوقعهم مع ناس متطفلة ومش عارفين تتخلصوا منهم أسمعوا كلام من ناحية وطلعوه من الناحية التانية وأعملوا اللى انتوا شايفينة صح وفى مصلحتكم وياريت بلاش كلام الأهل يعمل مشاكل بين الطرفين
لا تتطفلن
!!!!!!!!!!!!!!!!!!!!!!!!!!!!!!!!!!!!!!!

أمنحونى الثقة

bos bos

أتكلمنا قبل كده فى حاجات كتيرة أحنا عايزينها من كل الناس اللى حوالينا ولكن فيه حاجات مهمة قوى أحنا عايزينها مش عايزينها من الرجالة بس لا أحنا عايزينها كمان من الستات ومن كل الناس
الحاجة دى هيا الثقة أيوة الثقة لية دايما البنت بتكون محل شك من كل اللى حواليها سواء أم أو أب أو أخ أو زوج أو أبن أو أى حد موجود حوالين البنت أو الست
لية دايما كل أفعال وتصرفات البنت مراقبة ومحل شك من كل الناس كأنها كائن مخطىء دايما ومن السهل أنه يغلط وأنها ماعندهاش عقل تميز الصح من الغلط ولا تقدر تفرق بين الحلال والحرام
لية دايما الولد عنده كل الصلاحيات لكل حاجة ودايما الأهل وكل الناس بتثق فيه على عكس البنت اللى شوية وهيعلقوا لها رادار يراقب تصرفاتها
الولد أنسان والبنت أنسانة والأتنين من الممكن أنهم يغلطوا ويعملوا حاجات كتيرة غلط وحرام والأتنين عندهم نفس العقل وعندهم الحياه والآحلام والطموح
يبقى لية ندى لطرف كل حاجة وناخده من الطرف التانى
لية ندى للولد الثقة العمياء زى ما بيقولوا ونشك فى البنت دايما
عايزة أوصل لكم حاجة أن عدم الثقة سواء كان للبنت أو للولد ممكن يدفعهم لعمل حاجات كتيرة غلط وممكن يكونوا كويسين جدا ومش بيغلطوا وأخلاقهم عالية جدا ولكن لعدم الثقة فيهم وغضبهم من الموضوع ده فنلاقيهم بيعملوا حاجات غلط كنوع من أنواع أسترداد حقهم الضايع
يعنى أحنا بندفع البنت لفعل الخطأ بمزاجنا وبأرادتنا
ياريت تمنحوا البنات الثقة وصدقونى هتلاقوهم قدها وقدها قوى كمان

-----------------------------------

فى انتظار كل مشاكلكم وأفكاركم وأى حاجة عايزين نتكلم فيها

أبعتوا لينا على ميل المدونة

elbanatayzaea@gmail.com

أمنحنى الحنان

قلوب حائرة

الحنية ذلك المطلب الذي تريده اي مراة في التعامل مع الرجل انه مطلب مشروع لها سواء كانت اخت او زوجة او ابنة فهي تريد ان تشعر بالحنان
فاذا كنت زوج فاشعرها بالحنان بخوفك عليها وبضمك لها الي صدرك من وقت لاخر فالحنان بالنسبة لها هو من يشعرها بكونها انثى فهي تحتاج منك الحنان الذي يشعرها بالامان في دنياها واذا كنت اخا او ابا لاتخجل من هذا ولو بوضع يدك على كتفها
لتشعرها بالامان في دنياها وان هناك من يعتني بها ويهمه امرها
فقط اشعرها بحنانك من نظرة عينيك ومن لمسة يديك ومن كلمة تذيبها وتنسي بها كل همومها
فالحنية لاتنقص من رجولتك شيء بل تزيدك قيمة وتجعل اي انثى تذوب فيك عشقا وحب
فلم تكن الحنية ابدا صفة خاصة بالنساء فهي صفة خاصة بك قبلها فمنك خلقت لذلك فهي بحاجة دائمة اليك وبحاجة الى ان ترجعها إلى المكان الذي خلقت منه فهي خلقت من ضلعك فضمها واشعرها انها في مكانها الطبيعي لها ضمها حتى تشعرها انها ليست الوحيدة في دنياها وان هناك من يكملها في هذه الدنيا ويساندها
ويشاركها كل حياتها وتذكر دائما ان حنية الرجل تزيده رجولة فوق رجولته

---------------------------------------

bos bos

الحنان تلك الكلمة الملغاه من قاموس الكثير من الرجال ويعتبرونها شىء عادى وغير هام ولكن لو علموا مقدارها وماذا تفعل فى أى امرأة سواء كانت أبنته أو زوجته أو أخته لأسرعوا كلهم وقدموا كل شىء يدل على حنانهم وحبهم للمرآة
فأنت لا تعلم أنك بكلمة وبلمسة سوف تحمى أختك أو أبنتك أو زوجتك من الوقوع فى الخطأ نعم فهى بحاجة الى الحنان وعندما لا تجده مع أقرب الناس لها تبحث عنه بعيدا وتتمنى أن تجده حتى لو فى آحلامها فأنت تحرمها من أبسط حقوقها وتدمر نفسيتها ببخلك هذا فى أظهار حنانك فهى مثلك تحتاج الى الحنان فلا تستكبر عليها وتمنعها من حنانك وتتركها فريسة لآحلامها بالشخص الحنون الذى قد يجىء وقد لا يأتى ابدا فتكون حرمت من الحنان طوال حياتها وسوف تحاسب أنت على أهمالك لها ولمشاعرها

---------------------------------------

فى انتظار كل مشاكلكم وأفكاركم وأى حاجة عايزين نتكلم فيها
أبعتوا لينا على ميل المدونة

معنى الحب

كثيرا ما نسمع ان شخص يقول انا بحب الشخص دا او ان الشخص دا بيحبنى

فمن أى شئ حكمت على انه بيحبك

كلامه ؟ نظراته ؟ اهتمامه؟

و هنا نعمم الحب فليس المقصود حب الرجل للمرأه أو الزوج للزوجه و لكن الحب بين أفراد الأسره الواحده , الحب بين الاصدقاء , الحب بين الشخص و الكائن الذى يربيه

هل الحب هو أن تقوم الام بمتطلباتها داخل البيت من تنظيف و طهى و..و..و.. الخ؟؟هل الحب هو ان لا يفارق الاصدقاء بعضهم دوما؟؟

هل الحب هو اللعب مع كائنك الذى تقوم بتربيته؟؟

من وجهه نظرك ما حكمك على مدى حب الاشخاص لك و حبك للاشخاص

smasem

لا أستطيع وضع قانون عام لمدى الحكم على حبى للاشخاص أو مدى حب الاشخاص لى

فكل شخص يعبر عن الحب بطريقته فمنهم من يعبر بكلمه أحبك و منهم من يعبر بأفعاله مثل الخوف و القلق على محبوبه والسؤال عنه دائما

ولكن بالتأكيد إن أى وسيله من هذه الوسائل توصل ما تشعر به ويمكن التأكد من ذلك فى الكائن الذى تعتنى به فاذا كان علاقتك به مجرد أطعامه فانه يشعر واذا كان علاقتك به علاقه حب فانه يشعر ايضا و تجده يبادلك نفس المشاعرفما بالك بالانسان

همسات ساكنة

ربما يكون معنى الحب هنا يكمن في الاهتمام وفي كيفيه التعبير عن هذا الحب
يمكن هذا التعبير بكلمه او فعل او هديه بسيطه حتى
ولكن الحب أفعال وليس أقوال
لو قلت كلمه احبك فانها لا تكفي للتعبير عن الحب ولكن يجب ان يصاحبها فعل يدل فعلا على حبي هذا
هناك الكثير من الاشخاص لا يعرفون ان يجملو كلامهم ولا يستطيعون ان يعبروا بمدى حبهم وشعورهم ولكن الحب بداخلهم كبير يمكن يعبروا عنه بالافعال ولكن لا يستطيعون ان يعبروا عنه بالقول
يعني لو شخص ما قال لشخص اخر اني احبك ولكن كل افعاله لا تدل على هذا فكيف سيصدقه وهو لم يفعل اي فعل يدل على حبه
وهذا هو تفسير ل " الحب فعل وليس قول "

------------------------------------

ولمزيد من المشاكل الرجاء الدخول على صفحة مشكلتك فى عنينا

http://moshkeltak.blogspot.com/

ومنتظرين كل مشاكلكم وأفكاركم

أمنحنى الحب

bos bos

هل تتعارض المشاعر مع كون الشخص عملى وبيحب شغله وناجح فيه ؟
سؤال بسأله لكل الشباب والرجالة ولكل البنات والستات ولكل الناس عامة
أيه علاقة البرود والجمود فى المشاعر اللى بيصاحب الناس العمليين ياريت حد يفهمنى 0
لية دايما أى واحد بيربط نجاحه فى شغله وتفوقه فيه ببرود مشاعره وعدم الأهتمام بمشاعره تجاه خطيبتة أو مراته ودايما تلاقية بيتحجج بأنه أنسان عملى وعايز ينجح فى شغله
هيا المشاعر هيا اللى هتخليك ما تنجحش فى شغلك ؟
ولا نجاحك فى شغلك هيعوض خطيبتك أو مراتك عن برودك ناحيتها
عزيزى الرجل أو الشاب المقبل على الأرتباط المشاعر حاجة كويسة ومهمة جدا بين أى أتنين ومش بنقول تفضل تحب فيها طول اليوم لأن هلاقى واحد هيقولى أنا مش مراهق ودى كلمة بتتقال كتير
مين قال أننا عايزين واحد مراهق وعمال يتنحنح وطول اليوم كلام حلو ورومانسية ومشاعر
البنات والستات كمان مش مراهقات ودماغهم مش صغيرة كده ولكن كل شىء فى المعقول بيكون كويس يعنى أهتم بشغلك براحتك وأنجح فيه لأن أكيد نجاحك هيفرح الطرف التانى ولكن ماتنساش الطرف التانى وتهمل مشاعره وما تسمعوش كلمة حلوة وأنت أصلا ممكن تكون بتموت فى الطرف التانى بس متخيل أن أعترافك وتصريحك بمشاعرك ضعف أو هيقلل منك قدام الطرف التانى 0
أهتم بمن تحب وعبر له عن مشاعرك وأمنحه الشعور بحبك وأطرب أذنية ببعض الكلمات الجميلة سوف تجد حياتك

تتغير للأفضل0وهذه النصيحة للطرفين ومش لطرف واحد بس 0

--------------------------------------------

ومعانا فى صفحة المشاكل مشكلتين مهمين جدا ومعاهم الحل

مشكلتك فى عنينا

http://moshkeltak.blogspot.com/2008/06/blog-post.html

قولها بدون خجل اسف

bos bos

أنا أسف ، أنا أسفة كلمة اعتذار بسيطة جدا ولكنها كبيرة قوى كبيرة على نفس كل واحد وواحدة مفيش أنسان بيحب يقول أنا أسف وكل شخص بيعتبرها اهانه لو قال الكلمة دى حتى لو عمل حاجة غلط 0
لية بنستكبر نعتذر وخصوصا لية بنستكبر نقول كلمة أنا أسف أو أنا أسفة ويمكن لو عملنا مقارنة بين الرجالة والستات هنلاقى ان الرجالة بتستكبر أكتر من الستات انها تقول الكلمة دى مهما كانوا غلطانين لية بجد مش عارفة 0
طيب نسيبنا من كلمة أنا أسف اللى ممكن نعوضها بكلام تانى زى معلش ،سامحنى ،ماتزعلش منى، أنا ماكانش قصدى ازعلك ،حقك عليا ، وكلام كتير ممكن نقوله بدل كلمة أنا أسف ولكن تعالوا لنقطة تانية لية فيه ناس كتير ما بتعترفش بغلطها ولية ما بتحبش تصالح اللى قدامها وبتلاقيهم بكل بساطة بعد أى موقف راجعين يتكلموا عادى لية مش عارفة مع ان الواحد لما بيصالح حد ده مفيهوش أى حاجة وبالعكس بيكبرك قدام الشخص اللى أنت زعلته والحكاية دى بتحصل من الستات والرجالة مش من طرف واحد بس ولكن الرجالة ليهم النصيب الأكبر فيها لانهم دايما شايفين نفسهم على حق وعمرهم ما بيعترفوا أنهم عملوا حاجة غلط ولما أى واحد بيزعل خطيبتة أو مراته أو أى واحدة أيا كان صلتة بيها عمره ما بيعتذر كأن الأعتذار ده حاجة غلط أو عيب ومش لازم يروح يقول لها أنا أسف 0
أنا قلت فيه كلام كتير بيعوض الكلمة دى طالما الكلمة دى تقيلة عليكم ولكن للأسف فيه رجالة كتير لا بتقول الكلمة دى ولا أى كلمة تانية ويعملوا كل اللى عايزينة ويغلطوا ويهينوا الطرف التانى ومابيكلفوش نفسهم يصالحوهم وتلاقى الواحد منهم لما خطيبتة أو مراته تعاتبة يقول لها أنتى عايزانى أقول أنا أسف
لا لا مين قال قول أنا أسف فيه حاجات كتيرة ممكن تقولها تخلص الموقف وتحسس الست أنها ليها كرامة عندك وأنك بتحترمها لأنك مش متخيل قد أيه هيا بتتجرح لما أنت بتزعلها وكمان ما تصالحهاش وتبقى شايف نفسك مش غلطان 0
وطبعا بيكون فى المقابل مطلوب من الست أنها تعدى الموقف وخلاص كأنها ولا حاجة 0
ولكن تعالوا نبص لو الست هيا اللى غلطت بتقوم الدنيا أزاى تغلط وأزاى تزعل جوزها وتفضل تحايل فيه وكتير بتقول له أنا أسفة ومش بتعوضها بأى كلام تانى ولكنه برضة بيفضل مصر على موقفه ويفضل يذل فيها كأنها عملت جريمة وهو المفروض محدش يحاسبه والمفروض ما يعتذرش لية مش فاهمة 0
وطبعا مش كل الستات وحشين ولا كل الرجالة وحشين فيه رجالة محترمين جدا ولما بيحصل منهم أى موقف على طول بيصالحوا الست وفيه ستات كويسة جدا برضة بتعمل نفس الحكاية 0

وأنا عايزة بس أقول حاجة بسيطة لأى رجل وشاب الأعتذار مش هيقلل منك ابدا ولو شايف ان كلمة أنا أسف كبيرة قول أى كلام تانى بس بلاش تهين اللى قدامك وتسيبها كده وبعدين تحاول تكلمها كأن مفيش حاجة حصلت ولما هيا تحاول تعاتبك تقول لها يعنى عايزانى أقول لك أنا أسف لا خالص هيا مش عايزة كده بس قول لها أى كلمة تطيب بيها خاطرها لان جرحها بيكون صعب قوى ومش هتقدر ترجع أى حاجة انكسرت جواها لو فضلت مصر على موقفك 0

لكل بنت بقول بلاش تعقدى الأمور وتكبرى المواضيع ولما تحصل أى مشكلة بينك وبين خطيبك أو جوزك ويجى بعد كده يصالحك بأى كلام بلاش تعقديها وتستنى يقول لك أنا أسف لأنك أنتى كمان بتستكبرى تقوليها وفيه كلام كتير بيعوض الكلمة دى عاتبية من غير ما تحسسية أنه طفل صغير قدامك وغلط خدى موقف منه مفيش مشكلة بس بلاش تكبرى المواضيع قوى 0

----------------------------------

فى انتظار كل مشاكلكم وأفكاركم وأى حاجة عايزين نتكلم فيها

أبعتوا لينا على ميل المدونة

-----------------------

تحديث

علشان كلنا قلوبنا على بعض حبينا نساعد بعض وكنا بنستقبل مشاكلكم وبنحلها هنا ولكن لأنكم غاليين علينا حبينا نكثف مجهودنا وننزل المشاكل وحلولها على طول وعلشان كده عملنا مدونة خاصة بالمشاكل وهنعلن عنها وعن أى مشكلة جديدة هنا على المدونة

مشكلتك فى عنينا

http://moshkeltak.blogspot.com/

من فضلك كلمنى بأحترام

bos bos

من فضلك كلمنى بأحترام وبلاش صوتك يعلى عليا
لو كنت أخ أو خطيب أو زوج أو تمت لى بأى صلة ياريت تحترمنى وبلاش تحاول أهانتى بصوتك العالى لأن مجرد أحساسى أنك بتعلى صوتك عليا مهما كان السبب ده بيعتبر أهانة كبيرة ليا والصوت العالى مش أسلوب فى الكلام ولا النقاش وده بالأضافة الى الكلام اللى بتقوله وصوتك عالى مهما كان كلام عادى أنا بعتبره أهانه وأهانه كبيرة لأنه أتقال بطريقة مش كويسة
الصوت العالى مش هو الحل ولا الأهانة
كلمة صغيرة لكل راجل وشاب أوعى تفكر تعلى صوتك على أى واحدة أيا كان صلتك بيها لأنك بتسبب ليها جرح كبير قوى صعب تعرف تداوية وبتكسر جواها حاجات كتيرة حلوة ناحيتك فلية تعلى صوتك قول لها أنت عايز أيه من غير ما تكون قاصد تعلى صوتك عليها وزى ما أنت حابب أنها تحترمك وما تعليش صوتها حتى لو كانت متنرفزة وفعلا مضايقة

ياريت أنت كمان تبادلها نفس الأحترام ولو مشيت حياتنا بمبدأ أحترام كل طرف للآخر هتكون حياتنا سعيدة جدا

-----------------------

وحالا هنروح لصفحة المشكلات ودى أول مشكلة جاتلنا على ميل المدونة وكانت محتاجة لحل ومستنين أى مشكلة عندكم تحبوا أننا نشارككم فى حلها

هو بصراحة أنا عندي مشكلة أكتشفتها في فترة تعارف مكملش 3 أسابيع يعني مش عارف أقول شهر , والمشكلة دي أني مبلقيش كلام أقولة السكوت عندي شىء لذيذ , أمال لما أتجوز حعمل أية ؟والسؤال هو الصمت أثناء التعارف دة عادي ولا أية النظام وربما لأني مليش في مواضيع التعارف والبنات والحاجات دي لأني عملي أوي.وشكراليكم

قلوب حائرة

اولا اهلا بيك ومنورنا في صفحتنا وشيء يسعدنا ان أول حد يطلب مشورتنا يكون صوت رجالي
ثانيا كون انك أنسان عملي ده لايتعارض أطلاقا مع الكلام أو غيره بالنسبة للصمت قد يرجع لأنك مش محدد أشياء معينة بترغب في التعرف عليها مع الإنسانة التي أرتبطت بيها وده بيخلينا نرجع لنقطة أساسية في بداية أي تعارف وهو اننا نكون محددين اهم الاشياء الي ببحث عنها في الانسانة الي هرتبط بيها وبناء على الامور دي بيكون كلامي معاها علشان أكتشف أسلوبها في الحياة وطريقة تفكيرها وأزاي بتقييم الدنيا والامور علشان كده في اي خطوة هتقدم عليها بعد كده لازم تكون محدد اهم النقط الي بتبحث عنها في الانسانة اللى هترتبط بيها علشان يتشكل حديثك معاها بعد كده
في نقطة احب الاشارة اليها قد تكون فترة الثلاث اسابيع فترة قصيرة جدا لادارة أي حديث مع الطرف الاخر
ولان اي انسان في بداية تعارفه بيكون حاسس بنوع من الرهبة في الدخول لتجربة جديدة ده بيؤثر عليه وفي أسلوب حديثه
أترك لنفسك الفترة الكافية اللي من خلالها تقدر تاخذ على الطرف الثاني
وحدد أهم النقاط الي بتبحث عنها ورتب أفكارك وإن شاء الله تستطيع أقامة علاقة موفقة واخيرا أهلا بيك دائما معنا

--------------------------

مستنين كل مشاكلكم وآرائكم وأفكاركم

البنت مش بتشتغل علشان تلاقى عريس

bos bos

أفكار كتيرة وغريبة جوه دماغ شباب كتيرة وللأسف مهما يحصل عكس كده قدامهم يفضلوا برضة مقتنعين بيها 0
فكرة غريبة بيعتقد بيها شباب كتير وهو أن البنت بتشتغل وبتخرج للشغل علشان تلاقى عريس وبعد كده تسيب الشغل والله نظرة غريبة وعجيبة ومش منطقية أصلا 0
وفيه بنات كتير بيشتغلوا من قبل ما يتخطبوا وبعدها وبعد ما يتجوزوا بيفضلوا شغالين عادى مفيش مشكلة يعنى 0
لكن برضة بتفضل النظرة دى ويفضلوا متخيلين أنها برضة مستمرة فى الشغل علشان تقول أنها مش بتشتغل علشان العريس 0
فى أوقات كتيرة البنت أيوة بتسيب شغلها بعد ما تتخطب أو تتجوز وده مش علشان خلاص لقت عريس ومش محتاجة الشغل ولكن ده علشان أنها فضلت بيتها وجوزها على الشغل لاقت أنها مش هتقدر توفق بين الأتنين وعلشان كده أختارت بيتها اللى هو بيعتبر مملكتها ولكن ما بتسبهوش علشان خلاص ضمنت أنها أتجوزت والكلام ده0
طيب تعالوا نبص فى مصالح حكومية وخاصة كتيرة وشوفوا معظم اللى شغالين فيها أيه هتلاقوهم بنات وستات وكتير منهم مخطوب ومتجوز طيب دول ما سابوش الشغل لية حد يرد عليا 0
طيب زمان فى الأيام اللى ماكانش فيها حاجة أسمها أن البنت تشتغل كانت البنات بتتجوز أزاى وكانت بتعمل أيه ساعتها ممكن حد يعرفنى 0

--------------------------------

مستنين كل مشاركتكم ومشاكلكم وأقتراحاتكم

وكل المشاكل والأفكار اللى وصلتنا هنبدأ فيها من الأسبوع الجاى

حلقة برنامج البنات عايزة ايه

بجد مش قادرين نوصف لكم مدى سعادتنا وحبنا وتقديرنا للبرنامج ده
برنامج أنت تسأل والكمبيوتر يجيب يذاع كل يوم ماعدا الجمعه على اذاعة البرنامج العام
كان موضوع حلقتة النهاردة الخميس 8/5/2008 مدونة البنات عايزة ايه وبجد كان رائع جدااااااااااااااااااااااااااااااااااااااااااااااااااااااااااااااا
وأحنا بجد سعداء جدا ودلوقتى يالا اسمعوا الحلقة معانا
ومش هننسى نشكر أستاذ صلاح حجازى مقدم ومعد البرنامج على الحلقة الجميلة دى
اللينك ده نزلوا منه الحلقة
http://rapidshare.com/files/113552341/Record000.amr.html

-----------------------

تحديث

أى حد ينزل الحلقة يشغلها بالطريقة دى يضغط كليك يمين وبعدين يختار ميديا بلير معلش أصل أحنا كل حاجة عندنا غريبة

أسباب ضياع الحب

قلوب حائرة

زي ما كتبنا الحلقة الي فاتت في مدونة البنات عايزة ايه عن ماذا تريده البنات من خطيبها هناقش هنا نقطة مهمة وهي ايه اسباب ضياااااااااااااع الحب

في الغالب بتبدأ الخطوبة بمشاعر ملتهبة وكل واحد حاسس انه ماسك السما وان حبيبه ده مالك عليه الدنيا والي فيها شويا كده وتلاقي الدنيا هديت كده وزيها زي قلتها طيب ايه السبب ولا في ايه ولا هي على راي المثل " الغربال الجديد بيكون ليه شدة "

اسئلة بتدور في دماغ الكتير من الشباب والشابات طيب احنا هناقش هنا شوية نقط وانتوا ممكن يكون ليكم راي تاني

يعني في الأول كده بيكون كل واحد حريص ميقولش اي شي يزعل الطرف التاني وبيدق قوي على كل كلمة بتتقال وشويا شويا لما بياخدوا على بعض بتلاقي كلام بيتحدف متعرفش منين عادي بقى0

وبعدين في الاول تلاقي ايه الرنات شغالة على ودنه لما يصحوا يرنوا لبعض ولما ياكلوا يرنوا لبعض ورن على الفاضي والمليان وهب هب تلاقي ايه يدوب رنه في الصبح يرد عليها في العشا والسلام في الوقت ان الاستاذ او الاستاذة لو واحدة صحبتها رنت عليه بترد الرنة في السريع يعني دوام الحال من المحال.

في الاول كل واحد بيطمن على اهتمامات التاني بعد يومين وبتاع تلاقي كل واحد ازيك عامل ايه اخبارك سلام سلام ميعرفش ان ده جزء من شخصية الانسان الي بيحبه لا ازاي ايه الي يخليه يوجع دماغ والله كتر خيره انه بيسال في الاساس احنا هننهب ولا ايه وعجبي

كمان مافيش اي طرف بيهتم بيسال كل فترة الطرف التاني ايه الاشياء الي بتزعلك مني علشان يحاول يتجنبها بيبقى بس مهتم بنقض الطرف الاخر وبس من غير ما يعرف راي الطرف التاني فيه وايه الي بيزعله محتاجين نقف كل فترة ونعرف ايه الي بيزعل الطرف التاني مننا

ويرجعوا في الاخر كل واحد يحط ايه على خده ويقول اين ذهب الحب وكتير منهم شايفين ان الحب كدبة كبيرة " ماهو هو فعلا كده اصل مافيش حاجة اسمها حب وبس الحب حاجات كتيرة مش لمسة ايد وضمة صدر ونظرة عين الحب اكبر كتييرالحب مش انانية ومش امتلاك الحب اكتر من كده كتير بس مين يقدر ويفهم لو حد ليه اسباب تانية ياريت يبعت ويقولنا

البنت عايزة أيه من خطيبها

bos bos

كان جالنا أقتراح من الملاح التائه كان عايزنا نتكلم عن علاقتنا مع ناس كتيرة زى الأب والأخ والخطيب والزميل كان عايز يعرف أحنا عايزين أيه من كل واحد وايه اللى بيخنقنا منهم وايه اللى بيسعدنا
بداية هنبدأ من الخطيب خليكوا معايا بقى ويالا نبدأ

عادة بتبدأ العلاقة بين الفتاه والشاب قبل ما يوصلوا لمرحلة الخطوبة بزيارات عائلية من الشاب وأسرته للفتاه
فى البداية أحب أقول لكل شاب ياريت ما تعتمدش على الشكل بس يعنى مش علشان لاقيت واحدة حلوة يبقى خلاص هيا دى وياريت ما تتعاملش مع البنت كأنها سلعة وأنت رايح تشتريها
أكتر حاجة بتضايق البنت وبتزعلها أنها تحس كأنها بضاعة وكل شوية زبون جاى يشوفها وينقى ويختار فعلا اللى بيحصل ده من أى شاب ومن أسرتة بيجرح البنت جدا وممكن يعمل لها عقدة من الجواز كله
أكتر حاجة بتفرح البنت وبتسعدها فعلا أنها تلاقى الشاب ده عايز يتكلم معاها قبل أى حاجة علشان يقدر يفهم دماغها وفكرها وشخصيتها لأن الشكل لوحده مش كل حاجة وهيا كمان بتكون عايزة تتكلم مع الشاب وتعرف طريقة فكرة وشخصيتة ودماغه فيها أيه
وياريت الطرفين يتميزوا بالصراحة لأنها أقصر الطرق لكل حاجة وكل ما كانت الصراحة موجودة كل ما زاد الأحترام بين الأتنين وياريت نتكلم عن كل حاجة عن حياتنا وفكرنا وشغلنا وكل حاجة علشان كل طرف يعرف أيه اللى مش عاجب الطرف التانى لأن أكيد رد الفعل هيبان وبلاش نخبى حاجة علشان ما تحصلش مشاكل بعد كده

يعنى من البداية الأختيار مش بيكون بالشكل بس لازم الأتنين يتكلموا مع بعض ويوضحوا لبعض كل ظروفهم
وساعتها هيقدر كل طرف يحدد بموضوعية شديدة هو هيقدر يكمل مع التانى ولا لا وطبعا الموضوع مش بيجى من زيارة واحدة أو مرة واحدة تتكلموا ممكن مرتين ثلاثة وده طبعا بيكون فى البيت بالطريق السليم فاهمنى طبعا
لو حصل بقى قبول من الطرفين وكل طرف حس بالأرتياح للطرف التانى وبأنه فعلا فيه صفات كتيرة هو حاببها وعايزها فى شريك حياته بتبدأ بقى الخطوات اللى معروفة لينا كلنا من أتفاقات وحاجات كتيرة مفيش داعى ندخل فيها ولكن سريعا هقول لكل أسرة عندها فتاه أنتوا بتشتروا راجل هياخد بنتكم عنده المفروض تبصوا لأخلاقة مش لفلوسة ولا عنده عربية ولا الحاجات دى وبلاش تغالوا فى الطلبات لان المهم أنه يكون واحد يقدر يحافظ عليها وتكونوا أنتوا مطمنين وهيا معاه وكمان بقول لكل شاب بلاش تدور على الواحدة اللى عندها فلوس أو اللى أهلها أغنياء دور على الأصل الكويس والأخلاق 0
خلاص كل حاجة تمت وأتفقنا ودلوقتى بقينا مخطوبين أيه بقى اللى كل طرف محتاجة من التانى طبعا فى الأول بيكونوا الأتنين لسة فى مرحلة تعارف وبيعرفوا بعض أكتر ويوم ورا يوم هيفهموا بعض جدا وكل واحد هيفهم طبيعة التانى

البنت بقى محتاجة أيه من خطيبها يااااااااااااااااه حاجات كتيرة خليكوا معايا
أولا بتكون عايزة تحس أنه بيحترم فكرها وشخصيتها وأنه بيقدرها

ثانيا لو كانت بتشتغل بتكون محتاجة تحس بأهتمامه بشغلها وباللى هيا بتعمله ومش شرط يكون فاهم شغلها ومش شرط يعرف تفاصيل لو هو مش عايز كده بس صدقونى لما بيحسسها بأهتمامه ده ويسألها عن شغلها ويهتم أنه يسمعها وهيا بتتكلم عن طموحها ومستقبلها المهنى حتى لو ماكانش فاهم فى شغلها كتير ده بيحسسها بسعادة كبيرة جدا وبأنه فعلا بقى معاها فى كل حياتها
وكمان أى واحدة بتحب خطيبها يتكلم معاها عن شغله حتى لو ماكنتش هيا فاهمة فيه بس مجرد أنها تحس أنه بيشاركها حياته ده بيسعدها برضة جدا وأكيد بيسعده وياريت كل واحد يتنازل عن نظرية أنه مفيش داعى أحكى لخطيبتى على شغلى وعلى أى مشكلة بتحصل لأن مفيش حاجة فى ايدها تعملها لا لا صدقنى انت ممكن تكون حاسس أنه مفيش داعى لكن لما هتحكى أكيد هتحس براحة ولما هتحس أنها مبسوطة ده أكيد هيسعدك
يعنى ياريت كل طرف يهتم بشغل التانى وبلاش كل طرف يقول ما هو مش فاهم فى شغلى ولا هيا مش فاهمة فى شغلى ولما تلاقى خطيبتك فرحانة بأنجاز هيا عملته فى شغلها ياريت تحاول تشاركها الفرحة حتى لو الموضوع ده مش فى أهتمامتك بس بلاش تحسسها بعدم أهتمامك بالموضوع

ثالثا تبادل المشاعر وطبعا مش بالكلام بس ياريت فعلا لما تكون جواك مشاعر حلوة لخطيبتك تحاول تعبر عنها مش مهم بالكلام ولكن بالمواقف والأفعال حسسها فعلا أنها فى بالك وعقلك وقلبك ومفيش مانع من الكلام ولكن لو مش عارف تقول كلام يبين مشاعرك حسسها بأهتمامك وبلهفتك عليها بمكالمة تليفون بزيارة صدقنى ده هيفرق كتير وزى ما هيا بتديك مشاعرها وقلبها وعقلها وبتحاول تحسسك بمشاعرها بكل الطرق ياريت أنت كمان ما تتجاهلش ده يعنى مثلا لما هيا تبعت لك رسالة على الموبايل فيها كلام حلو أنت بقى تعمل أيه تتجاهلها وما تردش عليها وكمان ما تحاولش تتصل بيها
أستنى بقى معايا الموقف ده كفيل بأنه يهد حاجات كتيرة حلوة جوة خطيبتك ممكن ترد عليها برسالة فيها أى كلمة ومهما كانت بسيطة صدقنى هتفرق معاها ممكن تتصل بيها وتتكلموا فى أى حاجة لكن ما تتجاهلش مشاعرها مهما كانت

رابعا لو كان ظروف شغلك بتضرك أنك تسافر بعيد عن مكان أقامة خطيبتك ومش بتشوفها غير مرة كل شهر أو أتنين ودلوقتى مفيش غير التليفون أعتقد مش كتير عليها تكلمها كل يوم أو يومين تطمن عليها ولو حتى كانت المكالمة عبارة عن أزيك عاملة أيه وخلاص ومهما كنت مشغول بلاش تتجاهلها لان ده بيفرق معاها جدا يعنى كفاية أنكم مش بتشوفوا بعض كمان مش هتتكلموا فى التليفون النقطة دى مهمة قووووووى وياريت نخلى بالنا منها هلاقى طبعا واحد يقولى أنا بيكون عندى شغل ومش فاضى حتى لو عندك شغل يعنى مفيش ولا دقيقة بتكون فاضى فيها يعنى أنت مش بتاكل ومش بتنام بتلاقى وقت للحاجات دى أزاى يعنى دقيقة مش هتخسر فيها حاجة وصدقنى هتفرق معاها كتير وزى ما هيا بتحاول تكلمك وبتبعت لك رسايل أنت كمان حسسها أنك فاكرها وأنها على بالك حتى لو أنت مشغول لأنها وهيا فى عز شغلها وأى مسؤليات عندها بتكون فكراك

خامسا أهتم بأسرتها على قد ما تقدر بلاش تحسسها أنه مش همك حد من أهلها وأنها هيا بس اللى تخصك لأن زى ما آهلك مهمين عندك وهيفضلوا قريبين منك حتى بعد ما تتجوز هيا برضة أهلها مهمين عندها وهيفضلوا قريبين منها حتى بعد ما تتجوز يعنى الأهل هما أهم شىء فى حياتنا عمرنا ما هنستغنى عنهم مهما حصل
وزى ما هيا بتهتم بأهلك وبتتصل بيهم وبتحاول تقرب منهم أنت كمان أعمل كده حتى لو مرة كل شهر أتصل بيهم وأطمن عليهم بلاش تكتفى بأنك بتبعت لهم السلام معاها صدقنى ده هيفرق كتير معاها

سادسا الصراحة كل ماكنت صريح معاها ومع نفسك ده هيقصر الطريق بينكم قوى مهما كان اللى عندك صعب حد يتحمله لازم تكون صريح معاها وما تخبيش عليها حاجة فى حياتك زى ما هيا صريحة معاك لازم تكون أنت كده والصراحة فى كل شىء وياريت كل طرف يقول للتانى هو محتاج منه أيه وعايزة يتعامل معاه أزاى ولما يعمل حاجة تضايقة يقول على طول لو أتبعنا الطريق ده فى علاقتنا صدقونى هنعيش حياتنا صح ومش هتكون فى حاجة جوانا مزعلانا من الطرف التانى

سابعا ياريت ما تستهونش بمشاعرها ولما تلاقيها زعلانة أو مضايقة من أى حاجة حاول تسمعها وتخفف عنها هيا بتكون محتاجاك قوى فى الموقف ده بتكون محتاجة تتكلم معاك وتفضفض ليك وكمان تعيط قدامك ومش قدام أى حد تانى بلاش تحسسها بأنها عملت ذنب لما حبت تتكلم معاك وتقول لها أنتى هتنكدى عليها أنا عندى شغل ومش فاضى للكلام ده صدقنى لما هتقول لها كده هتسبب لها جرح كبير قوى ومش هتقدر تداوية بعد كده أسمعها زى ما هيا بتسمعك لما يكون عندك مشكلة وبتحاول تخفف عنك بلاش تكون أنانى وحسسها فعلا بأنها مهمة عندك

ثامنا الصداقة لو اتعلمنا نكون أصدقاء مع بعض ده هيقربنا أكتر وهيخلى لعلاقتنا شكل تانى ما هو لازم كل طرف يكون للتانى حاجات كتير يعنى مثلا الواحدة محتاجة خطيبها يكون زى باباهاوأخوها وصديقها وحبيبها وطبعا مش كل ده مرة واحدة ولكن فيه مواقف بتتطلب أنه يكون زى باباها فى حنيتة مثلا وهكذا لباقى المواقف ياريت نتعلم نبقى كده وأكيد كل واحدة لازم تكون كده لخطيبها

---------------------

دلوقتى أنا قلت اللى جوايا واللى عندى وعارفة أنى طولت عليكم بس كنت حابة أجمع ليكم كل حاجة وأكيد لما هفتكر أى حاجة تانية هكتبها لأن الموضوع محتاج كلام كتير وأكيد صديقاتى البنات عندهم اضافة للموضوع وهنكملها فى مواضيع تانية أن شاء الله

مستنين كل آرائكم وملاحظاتكم وأقتراحاتكم كمان لأفكار جديدة معانا

ومستنية الشباب يعلقوا ويبعتوا لنا هما عايزين أيه من الأنسانة اللى هما مرتبطين بيها وهنزل أفكاركم ومواضيعكم علشان نعرض وجهه نظركم أنتم كمان وعلشان كلنا نستفيد

لاتقل " أحبك " فحسب

قلوب حائرة

أحبك ، حبيبتي ...." كلمات لم أعد أحب سماعها وأصبحت أكرهها بطريقة لم اعد أتصورها نعم فالكلمات هذه يقف معناها عند قولها ... وأنا لاارى أي قيمة لكلمة تقف عند مجرد خروجها من فم قائلها ... فلم تعد تفرحني ولم تعد تثير في نفسي نشوة ولم أعد أتمنى أن تقال بهذا الأسلوب فالحب له معنى واحد عندي وهو " أن تهتم بما يهم من تحب حتى إذا لم يكن يعنيك وأنت على طيب نفس " .

هذه فلسفتي في الحياة إذا كنت تحبني فاهتم بي واهتم بما أحب خاصة إذا كنت افعل أنا معك هذا الأمر ، فانا أحب كلمة اهتمام بشدة لأنها تعني لدي أن هناك من يهتم بفرحي وحزني ويهتم بعملي وكل شي في حياتي وليس الأمر بالنسبة له أن يحبني بطريقة تتيح له النفع فقط ......... أن يحبني لأني أسعدته أو أضفت إلي حياته جديد أو لأني حد مريح بالنسبة له فأين إذا أنا من كل هذا .

هذا الأمر يذكرني بصديقتين لي هم هدية ربي من السماء فإذا ما تغيبت عن أحدهما في يوم أو لم تجداني في ميعاد وصولي أجدهما يسرعا بالاتصال بي ويطمننا أنني بخير ... تؤام الروح لم تقل لي يوما أنها تحبني ولكن مشاعرنا واضحة جديا لكل من حولنا فكل تصرفاتها تبلور حبها لي فإذا مارات أن هناك شي يسعدني في الحياة تظل ورائي وتحسني وتحفزني على إتمامه حتى إذا لم يكن يروق لها تجلس لتنتظرني بعد وقت عملي لننصرف مع بعض فهي تحترمني وتحترم كل ما اهتم به حتى إذا لم يروق لها تحتمل أوقات حماقتي وعصبيتي تفهمت طبيعة شخصيتي وتفهمت ما احتاجه وقت الشدة فتتركني حتى أهدأ ثم تناقشني لأنها علمت أني لا يصح معي الطرق على الحديد وهو ساخن ، والأخرى التي لأجد لها وصف غير أنها أخت لم تلدها أمي تنزعج لأني منزعجة تعيش معي لحظة بلحظة كل أوقاتي وتعيشني معها فإذا ما فرحت أسرعت تتصل بي و تسعدني معها وإذا ما كانت في شدة بلغتني بما يدور بخلدها إذا ما رأت شي يسعدني أسرعت تخبرني به تسألني عن عملي الذي يحتل مرتبة عالية بالنسبة لي تهتم بكل تفاصيل حياتي وتحفزني .... هكذا يكون الحب... الحب هو اهتمام بما يهم الأخر وليس استخفاف بي شي يهتم به الطرف أخر ، هل جربت أن تحكي لأحد يزعم أن يحبك وتجده لايهتم بالشي الذي تحكي عنه ويستخفف به " هل هذا هو الحب .

فأنا أتذكر في أيام دراستي الجامعية حكاية لزميل وزميلة لنا بالكلية كان زميلنا هذا يميل إلى البنت بمشاعره بطريقة تفوق الخيال ... ولكن كيف يجذب نظر البنت إليه وهو يعرف يقينا أنها لا تنوي على أي ارتباط من أي نوع طوال فترة الدراسة ، فما كان له من سبيل إلى جذب اهتمامها ألا أن يشاركها هواياتها وكل ماتهتم به ، فما أن عرف أنها تعشق قراءة قصص من نوع معين أسرع يقرأ في هذا النوع ثم يتحدث معها في أخر قصة قرأتها ويتناقشا فيها ، وإذا علم أنها تسمع نوع معين من الموسيقى استمع إليه وهكذا مضى الحال ليجذبها إليه وعلى العلم كان يفعل كل هذا برضي تام وحب فيكفيه أن هذا الأمر يرضى حبيبته وعلى الرغم من أنه لم يتيسر أمر ارتباطهم ظل على هذا الأمر يهتم بكل شي تحبه حبيبته ... هكذا يكون الحب أن تهتم بالطرف الأخر في كل شئون حياته وليس الحب أن تقول أحبك فقط .

فمن خلال تجارب مع أنواع كثيرة من البشرة توصلت إلى أنهم يقولون كلمة " أحبك" لأنهم في الأساس يحبون أنفسهم نعم .... نأتي للتفسير يقولون أحبك لأنك قد تكون قمت بفعل معين رضى لديهم رغبة أو اشبع لديهم حاجة لهذا فهم يرون أنهم يحبونك ولكن أن يقوموا بفعل يوضح حبهم لك لا تجد ........ فعندما يقول أب لابنته أحبك وفي نفس الوقت يحرمها من أشياء معينة هو في الأمر لا يحب إلا راحته لانه يجد إن منعها من هذا الأمر يريحه من شي ما والأمثلة كثيرة وكثيرة ويأتي على رأسها الكثير من الأزواج الذين يزعمون أنهم يحبون زوجتهم ويقدرون التراب الذي تمشي عليها وغيرها من أقوايل تقال فقط ويريدون أن يمنعوا زوجتهم من عملها لالشي غير أنهم لا يريدوا أن يؤثر ذلك على واجبات الزوجة نحوهم ... ولا يعنيهم الضرر النفسي الذي يترتب على جلوس المرأة في بيتها وتركها لعمل تحبه وغيرها من شعارات وأقاويل يندرج تحتها مصطلح أحبك فأنا بحق لم تعد تروق لي هذه الكلمة ويكفيني اهتمام من يحبونني بي وبكل شئون حياتي على أن تقال هذه الكلمة دون ما تشير اليه ودون ترجمة فعلية فأنا أكره كلمة " أحبك" .

-------------------------------------------------------

bos bos

أحبك ، حبيبتى ، بحبك
كلمات جميلة نحبها كلنا ولكننا أحيانا كثيرة نكرهها ، لا أحد ينكر مدى أهمية هذه الكلمة وتأثيرها الكبير على أى شخص عند سماعها ولكن عندما تكون حقيقية ونابعة من مشاعر صادقة فنسعد كثيرا عند سماعها ولكن عندما تقال هكذا بدون أى أحساس أو أهتمام فلا يكون لها طعم ولا نريدها0
فقط أهتم بى حتى لو لم تقل هذه الكلمة فسوف أشعر بكم كبير من السعادة لأن أهتمامك بى دليل على حبك ، أحب أحساسى بأهتمامك بى وبحياتى وبعقلى وبتفكيرى وبعملى وبطموحى حتى لو كنت لا تعلم الكثير عن عملى أو أى شىء يهمنى فقط أشعرنى بأنك مهتم به ومهتم بى فى كل شىء يحيط بى فى حياتى 0
مثلما أهتم أنا بك وبكل تفاصيل حياتك مهما كنت لا أفهمها لكنى دائما أهتم بها وأشاركك فيها وأشعرك بحبى وبأهتمامى لك مهما كان بى من آلام أو أحزان فأنا أعمل دائما على أخفاء كل شىء يحزننى أو يؤلمنى وأشعرك بأنى فى قمة سعادتى عندما آراك أو أتحدث معك أشعرك أنك كل حياتى وعمرى أهتم بك وبعملك وبحياتك لذلك أهتم بى وأشعرنى بوجودى وبكيانى 0
وقتها سوف أشعر بحبك الكبير لى حتى لو لم تقل لى كلمة أحبك وسوف أكون سعيدة أكثر وأكثر عند سماع أى شىء جميل منك حتى لو لم تقل هذه الكلمة 0
ولكن لا تفهم من كلامى أنى لا أحب هذه الكلمة بالطبع أنا أحبها ولكن أحب الشعور بأنك تقولها حقيقة وليس مجاملة لى أو تقولها ليمر الموقف الذى نكون فيه 0
لذلك لا تقل أحبك بدون الشعور بها
أهتم بى وهذا أفضل بكثير من قول هذه الكلمة
والأفضل أن تقول أحبك وأنت تشعر بها
أهتم بى مثلما أهتم بك لأنك منى وأنا منك

اسمعوا اول برنامج اذاعى عن النت ضرورى جدا

خبر هام سعيد جدا

ستكون مدونة البنات عايزة ايه ضيفة أول برنامج اذاعى عن النت

البرنامج بيتذاع على أذاعة البرنامج العام

والحلقة هتكون يوم السبت الموافق 12/4/2008

الساعة التاسعة وعشر دقائق صباحا

يالا الكل يسمع البرنامج

وأى حد عايز يبعت أى تعليق أو مشاركة بخصوص البرنامج أو الحلقة يبعت على الميل ده

netonradio@yahoo.com

-------------------------------------

تفاصيل الخبر فى التعليق اللى هكتبه حالا اللى جه على أخر موضوع فى المدونة

الأخت العزيزه صاحبة المدونه الجميله تحياتنا لك

اظهارا لأعجابنا ستكون مدونتك ضيفتنا فى حلقة برنامجنا الأذاعى وهو اول برنامج اذاعى عن النت فى العالم العربى ويذاع على البرنامج العام اى الأذاعه الرئيسيه لمصر يوم السبت 12-4-2008 الساعه التاسعه وعشر دقائق صباحا على موجة الأف ام107 وسته من عشره

وكافة التفاصيل فى موقعنا

http://dear.to/cairo

والدعوه موجهه ايضا لكافة المعلقين زوار هذه المدونه للأشتراك بآرائهم فى البرنامج

مع تمنياتنا لكى بالتوفيق

وعنوان بريدنا

netonradio@yahoo.com

ويسرنا ان نستمع الى آرائكم فاكتبوا لنا

----------------------

أستاذ / صلاح حجازى


نشركم على منحكم هذه الثقة فينا
واحترامكم لافكارنا
ويسعدنا أن نلبي دعوتكم

مع خالص تحياتنا للجهد المبذول في البرنامج الذي حظى على إعجابنا فور الاستماع عليه

ونتمنى أن نكون عند حسن ظنكم

----------------------------

أخيرا وعلشان أسهل عليكم سماع البرنامج هكتب لكم لينك موقع بيشغل البرنامج العام اول ما تفتحوا هتشتغل على طول

http://www.kr-kr.com/tv/39/

------------------------

بجد أحنا بنشكر كل حد دخل المدونة وعلق تعليق شجعنا أكتر على الأستمرار فى فكرتنا ومدونتنا وأى حاجة وصلنا ليها كانت بسبب تشجعيكم لينا ووقوفكم جمبنا وجمب فكرتنا

--------------------------

ياريت أى حد يعرف يسجل الحلقة يسجلها

فقط اسمعنى

قلوب حائرة

مطلب واحد تريده حواء من أدم وهو أن يسمع لها ويخصص لها بعض الوقت هذا فقط ما تريده وتبحث عنه

فعندما تحكي حواء لأدم عن شي يدور بذهنها أو يضايقها يسارع آدم ويقدم لها حلا دون أن يستمع لنهاية ما تحكيه

حواء عندما تحكي لأدم ما يدور بذهنها أو يزعجها هي في الأساس لا تحتاج لحلول لمشكلتها لأن لديها عقل مثلها مثله ولا ينقصها أي شي من أساليب التفكير ولكن كل ما تحتاجه حواء من أدم إذا كان أبا أو زوجا أو أخا أن يشاركها وجدانيا ويشعرها باهتمامه وأنه يشاركها حياتها

فهذا فقط ما تحتاجه حواء

يا عزيزي ادم

فقط أنصت لها حين تتكلم وشاركها مشاعرها أثناء الحديث أشعرها أنك تعيش معها الموقف بفرحه وحزنه أشعرها بالاهتمام وإذا طلبت منك حل فقدمه في ذلك الوقت

------------------------

bos bos

نعم اسمعنى فأنت لا تعلم مدى سعادتى عند شعورى بأنك تسمعنى وتشاركنى همومى وآحلامى وطموحى وكل حياتى

حتى لو كنت على علم بكل هذه الأشياء فمجرد أستماعك لى حتى لو كان بدون أجابة منك يريحنى أكثر ويقربنى منك مثلما يقربك منى

فأنت منى وأنا منك سواء كنت أبى أو أخى أو زوجى أو ابنى فأنت فى كل حياتى

لذلك أتمنى أن تسمعنى

فكرة غريبة

حنين

كان فى مناقشة دارت بينى وبين شاب من الشباب اللى بيتقال عليهم شاب روش طحن مش كدة وبس هو متعلم تعليم عالى ويعرف لغات المهم بالرغم من كدة عنده فكرة غريبة اوى مش عايز يتنازل عنها هى انه مش ممكن يفكر يرتبط ببنت سبق لها واتخطبت او حتى اتقرت فاتحتها بس محصلش نصيب وكملت ايا كانت الظروف ... ليه بقى ؟؟؟

فى اعتقاده ان هى لازم اللى حتكون السبب فى ان الولد مكملش معاها لأنها لو كانت مؤدبة ومتربية كويس مكنش ممكن حيسيبها والعيب مش حيكون من الولد لأن الولد عايز الاستقرار مع واحدة بنت ناس ... وممكن كمان يكون السبب فى الانفصال انها اتنازلت شوية ايا كان التنازل حتى لوكانت الحاجات البسيطة وفى الحالة دى مينفعش يثق فيها اللى كان خاطبها فقرر يسيبها ... قلت له طيب لو انت عندك بنت وحصل انها اتخطبت ومكملتش حترضى اى شاب يبص لها البصة دى اللى انت فيها دلوقت ومحدش يرضى يتقدم لها تانى ... قاللى لأ طبعا انا بنتى حربيها كويس وبالتالى مش حيحصل لها ده ؟؟

ايه رأيكم بقى فى الافكار الغريبة دى والنظرة اللى بعتبرها قاسية ومتخلفة من شاب مثقف لبنت ممكن تكون بنت ناس اوى ومش لها ذنب انها وقعت فى شاب افكاره غريبة وحتعرف ازاى ان افكاره بالشكل ده ؟؟؟

مواقف كتيرة

bos bos

موضوع مهم قوى بيحصل لكل فتاه وشاب ولكن تعالوا الأول نعرض المواقف اللى بتحصل للفتاه وبتضايقها وبعدين نعرض المواقف اللى بتضايق الشباب 0

بس بداية الموضوع ده بيكون حساس لكل بنت جدا وفيه مواقف كتير بتزعلها وتضايقها أكتر من الولد يالا نبدأ0

العرسان اللى بيجوا لكل بنت طبعا زمان الوضع كان مختلف عن دلقوتى بكتير وكانوا الناس بتحترم بعضها وتحترم الأسر اللى هما رايحين لها ولكن دلوقتى الوضع أتغير تماما وبقوا الناس بيتعاملوا مع البنات على أساس أنهم بضاعة أو سلعة وكل أسرة عندها ولد بتجهز نفسها لليوم اللى هتبدأ فيه اللف على البضايع الكتيرة الموجودة وللأسف ثقافة مجتمعنا أتغيرت 0

مواقف كتير بتتعرض ليها البنت وأسرتها ممكن الأسرة ما يحسوش شوية بده ولكن البنت اللى بتتحط فى الموقف ده مرة وأتنين وثلاثة بتتعب نفسيا جدا من فكرة أنها تكون بضاعة للى رايح واللى جاى وطبعا أحنا مش بنعترض على طريقة جواز الصالونات ولا بنقول أنها غلط لا بالعكس أحنا بنحترمها جدا ولكن الناس هيا اللى بقت بتتصرف تصرفات غريبة كأنهم رايحين يشتروا بدلة لأبنهم مش رايحين يخطبوا له عروسة وواحدة هتكمل معاه حياته وهتربى له ولاده 0

يالا مع بعض نشوف أيه هيا المواقف دى ولو أى حد عنده أى موقف ياريت يبعته لينا 0
مستنين أى حد عنده أى حكايات عن الموضوع ده سواء كان شاب أو فتاه واستنونا مع عرض لمواقف كتير بتتعرض ليها كل أسرة وكل بنت وشاب 0

العنف يولد الأنفجار

همسات ساكنة

قديما قالوا الكبت يولد الانفجار وعلى حسب مقولتي الجديده فان العنف يولد الانفجار
ليس المقصود بالعنف هنا العنف بالضرب فقط ولكن هناك عنف آخر ربما يغب عنه البعض الا وهو العنف اللفظي
انه أشد أنواع العنف فاللفظ يجرح بكثير أكثر من الضرب .. ربما أن اللفظ يكون تاثيره أعمق في ترك أثر قوي في النفس
هناك بعض العائلات لا تستخدم في التربيه سوى العنف سواء بالضرب والاهانه أو باللفظ والكلمه السيئه
لا يعلمو ان هذا يزيد من سوء الحاله النفسيه للشخص
فلنفرض ان هناك عائله بهذا الشكل سينشئ الابن او الابنه عنده عقده نفسيه اكيد وسيترتب عليه نقل هذه العقده لمن سيشاركه الحياه فيما بعد
وربما تنتقل العدوى ايضا الى الجيل الذي يليهم اي ابناءهم
احب ان اوجه كلمه للاباء والامهات الذين يستخدمون العنف في منازلهم .. انكم لا تدرون ان العنف جريمه بيعاقب عليها واذا كنت تقول اننى لا اعنف عليهم بل اقول لهم فقط (انت فاشل ).. او (انتي فاشله)00
ربما تكون في نظرك كلمه هينه وبسيطه لكنك لا تعلم ما هو مدى تاثيرها على نفوسهم وما مقدار التاثير السلبي الذي تركته في انفسهم
انك لا تتعلم ايضا انك تسببت في دمار بيت مستقبلي قبل ان يبنى
اخيرا وليس اخرا اقول ان العنف ظاهره انتشرت في مجتمعنا بصفه كبيره جدا .. نجدها في البيوت وفي الشوارع
عندما نجد طفل صغير بيعمل من الصغر هل لا يعتبر ذلك من انواع العنف اذا قلتم لا فهل عندما يقوم صاحب العمل بضرب هذا الطفل الصغير لانه اخطا في شيئ ما هل هذا لم يعد عنفا
اذا دخلنا بيت ما ووجدنا الاب يميز بين ابنه وابنته ويقول لا اريد انجاب البنات وانا احب ابني ولا احب ابنتي هل لا يعدو هذا عنفا
كل هذا واكثر انواع من العنف المختلفه سواء بالضرب وسواء باللفظ
عايزين نتذكر جميعا سويا ان الرسول عليه الصلاه والسلام كان دايما بيتعامل بالكلمه الطيبه والكلمه الحسنه ولم يستعمل العنف بحياته فلمذا لا نقتدي به بحياتنا ولا نستخدم العنف
ملحوظه مهمه جدا : -0
اننا لا نريد ان نعمم السلبيه ولكن بنحاول ان نجد المشكلات ونجد حلول لها واكيد كل ذلك سيكون من خلال ارائنا جميعا واراء زوارنا اكيد

-----------------

قلوب حائرة

المرأة اللي بتدي الفرصة للعنف عليها بسكوتها لاول مرة بيعتدي عليه ولو بلفظ
فلو من أول اشارة للعنف بتاخذ رد فعل مناسب لهذا الامر هتحول دون حدوثه مرة أخرى
وكتير من الازواج بيعتبر ان ضرب المراة قد جاء في القران والسنة ولكن الامر مفهوم غلط
لان الرسول كمان لما بيجي يضرب كان بيضرب بالسواك
ولما كان تنفذ معه كل الاساليب الاخرى

استنونا الأسبوع الجاى

اعذرونا مش هنقدر ننزل موضوع الأسبوع ده لظروف خارجة عن أرادتنا ونوعدكم بموضوع جديد الأسبوع الجاى إن شاء الله

استنونا وتابعونا وشوفوا مواضيعنا اللى فاتت وناقشونا فيها وابعتوا لنا كل أقتراحاتكم وملاحظاتكم وافكاركم

وأى حد عايز يشاركنا يبعت لنا والمشاركة مش للبنات والستات بس لا دى كمان للشباب والرجالة ولكل الناس أى فكرة أو موضوع تحبوا تشاركونا بيها ابعتوا لنا

مملكة المرأة

Smasem

احيانا لا تريد المرأه ان يشاركها احد فى ادارة

المطبخ لانها تعتبره مملكه خاصه بها
ولكن حينما نفتح التلفاز نجد ان الشيفات معظمها رجال
فهل هذا يتعارض مع طبيعه المرأه أو طبيعه الرجل
هل لان المطبخ ملك لها.. ولماذا لا نجد الشيفات تساعد زوجاتهم في أعمال المطبخ أم انه يستكبر ان يدخل معها؟ ام ان هناك اسباب اخرى ؟
ولماذا ترفض المرآه وجود شخص اخر معها في المطبخ؟
كل هذه تساؤلات نناقشها سويا
ربما بعض النساء على حق في انها تمنع زوجها في الدخول معها ربما لانها لا تريد ان تكدس المكان حيث انها تريد ان تعمل في مكان واسع وربما ايضا انها الوحيده التي تعرف أماكن أدواتها لانها هي التي تستخدمها دوما وايضا ربما الوقت الذي سيساعدها فيه زوجها ستسغرق اكثر منه في تنظيف ما فعله الزوج وهذا اكيد سيرهقها كثيرا
لكن ليس كل السيدات يفضلن عدم دخول أحد معهم .. هناك البعض يسعدن بوجود أزواجهن ويسعدن بمشاركتهم لهم بالمطبخ .. تشعر بسعاده لانها تشعر انه يشاركها كل شيئ بحياتها حتى المطبخ التي تعتبره هي مملكه خاصه بها
وهناك من لا تفرق معهن ان يدخل زوجها المطبخ او لا يدخل فوجود شخص او عدم وجوده لا يؤثر عليهن بشيئ
فماذا عنك سيدتي ؟؟ وماذا عنك سيدي ؟؟
هل تريدي ان يشاركك أحد في عالمك الخاص بك ؟؟
وهل تقبل انت ان تشارك زوجتك بالمطبخ ام ستتكبر وتقول انه خاص بها وليس من شأني انا فعل ذلك ؟ اما بالنسبه لي : لا يزعجني وجود شخص ما معي ولكن بشرط الا اجد الجميع معي واجد المكان متكدسا بالبشر فانا لا امانع ان شخصا يشاركني فيما افعل لكن بوجود نظام ولكن اذا كان سيتكدس المكان افضل ان ابقى وحدي

-----------------------------

همسات ساكنه

عن نفسي افضل ان اعمل بمفردي فانا لا احب ان يشاركني احد وخاصه رجل ولكن في حاله وجود عزومه او كده ممكن يساعدني حد عشان اقدر انجز برضه بس احب ان اللي تشاركني اختي او ماما مثلا لكن في المستقبل ان شاء الله مش حخلي زوجي يساعدني في المطبخ مش لاني حستغرق وقت في التنظيف او كده لا لان اعتقد المطبخ عمل خاص بالمراه وايام شغله مثلا اكيد حيكون راجع مرهق ومحتاج ان يلاقي كل حاجه جاهزه وانا بفضل ان عمل المراه للمراه وعمل الرجل للرجل

------------------------------------

Bos bos

اولا هو فيه حاجة لازم نوضحها هومين اللى قال ان الراجل بيوافق اصلا يدخل المطبخ ويعمل حاجة أنتوا بتتكلموا على أساس أنه ماعندوش مانع وبيعرض مساعدته وكل واحدة بتقول رأيها
بغض النظر عن أن ده شغل الست ولا الراجل بس المفروض نتكلم على اللى بيحصل فى الواقع
اولا مفيش راجل بيحب دخول المطبخ او عمل شىء فيه سواء كان راضى بكده ولا لا
ثانيا الرجالة برضة ما بتتقنش شغل المطبخ كويس
ثالثا لو كان الواحد اضطرته الظروف انه يعيش لوحده فترة ممكن بيحاول يدخل المطبخ ويعمل كل حاجة لنفسه ولكن فى بيت اهله بيستنى لما والدته او اخته او اى حد يعمل له كل حاجة
رابعا المطبخ عمل المرآة اولا واخيرا ومش معنى كلامنا ده اننا بنطلب من الراجل يطبخ ويغسل اطباق والحاجات دى لكن على الاقل ممكن يعمل لنفسه كوباية شاى ويعمل لزوجته معاه وبتكون لفته جميلة منه او حتى وهيا بتعمل يقف معاها يتكلموا فى اى حاجة بجد ده بيسيب أثر جميل فى نفس الزوجة وكمان مفيش مانع لو بعد ما شربوا الشاى او اى حاجة يشيل هو الكوبيات ومرة من نفسها يغسلها
وممكن برضة بعد الاكل يشيل معاها مثلا الاطباق ومش هقول يغسلها لان ده صعب ولانه كمان شغل الستات ماشى ولكن لو حصل وكانت مراتك تعبانة وعملت الغدا وهيا مش قادرة ايه المانع انك تغسل الأطباق او تساعدها بأى شىء فى المطبخ
خامسا فى النهاية أحنا عارفين أن المطبخ شغل الست مش الراجل ومش بنطلب من الراجل يعمله هو بدلها ولكن مجرد وقوفك معاها مرة وهيا بتطبخ أو بتعمل حاجة مع كلمتين حلوين حتى لو مش هتساعدها صدقنى هتجيب أثر حلو قوى
ومرة كده كل مده ساعدها فى شيل الأطباق وحطها كده يعنى مش هيحصل ليك حاجة والله

ومفيش مانع لو ساعدها بأى طريقة ودخل المطبخ وعمل حاجة أيه المانع بس

--------------------------------------

قلوب حائرة

بصوا ياجماعة مش الموضوع موضوع أنه يدخل معاها المطبخ ويطبخ ده طبعا شي عادي وجائز جدا بس الاهم انها تحس بمشاركته ليها واهتمامه

أنا شايفة أنه الموضوع المهم أننا ننشر ثقافة مساعدة الرجل لزوجته ولو حتى في شيل الاطباق بعد الاكل او انه حتى يعمل الشاي على ماهي تنظف السفرة او تغسل الاطباق بعد الاكل مجرد أنه بيشعرها انه بيخاف عليها وبيوفر صحتها ده كفيل بانه يشعرها بانها ملكة متوجة

في نقطة كمان الامر ده محتاج تعود منذ الصغر يعني الام لازم تعود ابنها منذ الصغر أنه يساعد اخته في البيت وتفهمه ان ده عمره ما هينقص ابدا من رجولته لما يطلع على كده اكيد هيبقى نفس الوضع مع زوجته لكن لما من صغره الام تحسسه ان شغل البيت مهنة خاصة بس بالبنت دي مصيبة ومصيبة كبيرة قوي لانه بجد هيبقى متجوز شغالة الجواز شركة في كل شيء في شغل المنزل في تربية الابناء حتى في المصاريف

وعلى فكرة يا شباب عمل المراة في بيت جوزها تفضل منها مش واجب للعلم يعني ليكون اخوانا الرجالة فاكرين اننا اتخلقنا لكده لا احنا اتخلقنا لتربية الابناء وبناء جيل قوي
, وانتوا طبعا مش محتاجين افكركم بحديث رسولكم الكريم الي بيقول " خيركم خيركم لاهله وانا خيركم لأهلي " وانه خير الانام كان بيحلب الشاه ويخيط نعله

علشان كده انا بوافق وبوافق بشدة علي مشاركة الرجل للمراة في بيتها لعدة نقاط مشاركة نفسية منه لها ، ورغبة منه في وجودها في احسن حال الامر الذي ينعكس عليها والا لما هي تكون زي النحلة طول النهار ابقى تعالى قولي الوقت الي هتكلمها فيه هيكون امتى ، وده طبعا هينعكس على احترام الابناء لوالدتهم لما يشوفوا قدوتهم بيخاف عليها وبيحافظ على راحتها

كلمة لا تكلفك شيئا

قلوب حائرة

شكرا ، " تسلم أيدك " ، " ربنا يخليكي لينا " ، دي كلها كلمات بتعبر عن تقديرنا للحاجات الي حد بيقدمها لينا كلمات صغيرة بس ليها مفعول السحر لاتكلف عزيزي أدم اي شيء ولكن يكون لها مفعول تجعل من تقال له قادر على التضحية بالمزيد دائما حتى لو على حساب ذاته.

أن هذه الكلمات تعبر عن تقديرنا للاخرين ، وشعورنا بمدى الجهد الذي قاموا بيه من أجلنا ، الأمر الذي يحفزهم على تقديم المزيد ، فاذا كانت القاعدة العامة " أنه من لايشكر الناس لايشكر الله " ، وتطبق هذه القاعدة في الحياة بصفة عامة ، فماذا اذا ما طبقت مع من تربطهم بينا علاقة حميمية" الاخت ، الزوجة ، الام " ، بتهيلي دول اولى بالمعروف على اعتبار انهم الاقربون.

كثير من الرجال بيفتكر انه لما يقول كلمة شكر ده بيقلل من رجولته ويبقى كده بيتنازل كتير ، وان ده بيخلي الراجل الي جوه بيضعف ابدا انه من طبع الاصيل والكريم ان يعطي كل زي حق حقه ، واحنا برضه مش غايب عن ذهننا أن الرسول الكريم مكنش في فرصة بيسال فيها عن مين اقرب الناس اليه الا وكان بيذكر اسم زوجته السيدة عائشة .
عاوزين ننشر ثقافة تقديم الشكر لاهله فيما بنا ، عاوزين نعود السنتنا على كلمة شكرا ، سواء كنت زوج او اخ او اب خلي كلمة شكرا على طول ملازمة ليك ، متحسسش الي معاك ان الي بتقوم بيه فرض عين عليها ، وانه ان ال بتعمله ده واجب متستهلش عليه كلمة شكر ، لان ده بيبقي شعور صعب قوي لما يحس الانسان ان الي بيعمل فرض عليه وهو كده وخلاص ، جرب انت تعمل شغل ومحدش يقولك تسلم ايدك او متلاقيش تقدير ، جرب تعمل حاجة معاها في البيت ومتسمعش منها كلمة شكرا شوف هتحس بايه ، هخلي الشكر لاهله ولغير اهله دايما مبدئك في حياتك ومع اقرب الناس وهتلاقي نتيجة هتعود عليك بفايدة كبيرة جرب وقولي على راي وردة

----------------------

bos bos


عندك حق لازم ننشر ثقافة الشكر بينا وبين كل الناس
كلمة شكرا فعلا ليها مفعول السحر بس قبل ما نطلب من الراجل سواء كان أخ أو زوج أو ابن لازم نطلب من الستات نفسهم الحكاية دى لأنها هيا الأساس
يعنى معلش برضة أحنا كتير فى بيوتنا بنلاقى البنت بتساعد أمها فى حاجات كتير ولكن للأسف كتير قوى محدش بيقول لها أى كلمة كويسة بداية من الأم وأعتقد لو الأم عملت كده ولادها الشباب هيتربوا على كده ويتعودوا على الحكاية دى
لكن للأسف الموضوع بيبدأ من بيوتنا من الستات اللى بتربى الولاد على أنهم الآمر الناهى والمتحكم فى كل شىء
وإن البنت لازم تخدمه أيا كانت علاقة الولد ده بيها يعنى أخ او أزوج او أبن أو حتى زميل فى العمل
يعنى لو بدأنا من الأساس من الستات ولو هما عملوا كده مع بعض ومع بناتهم وعلموا ولادهم أنهم يشكروا أخواتهم البنات على أى حاجة أعتقد العادة دى هتكبر معاهم لحد ما يتجوزوا وهيعملوا كده مع زوجاتهم وبناتهم وهكذا
المشكلة مقسومة بين الطرفين الراجل والست ولازم فعلا نغير ثقافتنا دى

---------------------

Smasem

لا احد يستطيع أن ينكر فضل كلمه شكرا فهى رغم انها كلمه بسيطه فى حروفها خفيفه فى نطقها الا انها تحمل بين طيات حروفها معانى ساميه للغايه , فحينما تقولها لشخص فانك تحسسه بمدى الجهد الذى بذله لكى يفرحك

وهى كلمه يقولها الرجل للمرأه أو المرأه للرجل أو الرجل للرجل أو المرأه للمرأه , ولا تشترط أعمار أو جنسيات أو لون أو رتبه أو مركز أجتماعى
فهذه الكلمه البسيطه تحفز على العمل و تعمل على تقريب الطبقات من بعضها

ولا يجب لاحد أن يتصور أنها تقلل من قدره او انها تنزل منه
لا بالعكس فانها تزيد من قدره و تـُعلى من شأنه . و الشخص دائم الشكر لمن يقدم له خدمه عندما يطلب من شخص خدمات يكونوا ممتنين وراغبين لتقديمها له

وزى م قالت

Bos bos

ان لابد ان تهتم الام بتعليم أبناءها و بناتها بان دائما يقولوا كلمه شكرا لكن ننمى ثقافه الشكر بين الاجيال القادمه

و من هنا أقدم الشكر لكل شخص قدم لى خدمه
لكل شخص ساعدنى فى أى شئ
لكل شخص رسم ابتسامه على أى وجه
لكل شخص يستحق الشكر

-----------------------

سهر الليالى

" الكلمة الطيبة صدقه "
متهيألى أن دى الثقافه اللى احنا محتاجين نمشى عليها يعنى ميقتصرش الموضوع على الشكر بس لكن التعبير دايما عن اى حاجة جميلة بتوصلنا بكلمات جميلة
كلمات الامتنان الحب التقدير كلمات بسيطة مش هتحتاج لجهد بس صداها بيبقى كبير أوى فى نفوس الناس اللى بنقولهالهم سواء الأهل أو الأصدقاء أو الزوج الحبيب أو حتى الاولاد كلمات بتقرب كتير مسافات وبتزود الغلاوات وأحيانا بتأثر فى نفوسنا أحنا اللى بنقولها وبتهذب سلوكنا
كلمات مش مفروض نتكبر أننا نقولها حتى عشان منبقاش من اللى فى قلوبهم كبر - عافانا الله - يعنى لو حطينا النقطة دى فى دماغنا عمرنا ما هنخجل نقول الكلمات دى كتعبير عن اللى جوانا أو نحس أنها حتقلل مننا وزى ما قالت "قلوب حائرة" من لا يشكر الناس لا يشكر الله وفى الأخر ممكن أقول أننا حتى لو مقدرناش نقول الكلمات الطيبة دى فياريت على الأقل نستغنى عن كلمات التجريح ونعتبر أن دى الحاجة الطيبة اللى ممكن نعملها

-------------------------------

وفى النهاية بنشكر كل اللى وقفوا جمبنا وشجعونا ولسة لحد دلوقتى بيشجعونا

ومستنينكم بكل آرائكم ومشاركتكم وملاحظاتكم

انتي مطلقه!!!..اذن انتي لا تصلحين

بقلم همسات ساكنة

ونتابع سلسله الطلاق التي بدأناها الاسبوع الماضي
موضوعنا اليوم عن المطلقه
كما تحدثنا ان الطلاق أصبح يهدد الكثير ويدمر أسر كثيره جدا
وذكرنا أيضا انه ربما ان الخطا من المرآه وربما أيضا يكون من الرجل
فاذا كان الخطا ناتج عن احدهما ووقعت مشكله الطلاق فمعنى ذلك ان المطلقه اصبحت لا تصلح لتكوين اسره اخرى
فلنفرض ان المشكله ليست ناتجه عنها فما ذنبها
في مجتمعنا هذا الكثير يعتبرون المطلقه مجرد كائن يحيا بالمجتمع ليس من حقه ان يحيا حياه كريمه وان يتزوج مره أخرى
فلماذا كل ذلك .. ان المطلقه مثلها كمثل اي امراه اخرى فلمذا لا نعطيها حقوقها
الكثير من الرجال لا يفكرون في ان يتزوجوا امراه مطلقه وغالبا يلقون عليها سبب الطلاق وفي بعض الاحيان يعتبرونها مجرمه ويحق عليها العقاب
ربما اذا حدث العكس مع الرجل لا تفرق معه
بمعنى : اذا الرجل طلق زوجته فمن حقه ان يتزوج امرآه آخرى وعليه ان يختار من بين النساء او حتى البنات فلا تفرق معه
فيبقى السؤال لكل من يتابعونا
للبنات : اذا تقدم لكي رجل مطلق هل ستقبلين به عريسا؟؟
للرجال: هل تقبل ان تتزوج امراه مطلقه ؟؟
ملحوظه : نتحدث عن المطلقه وليست الارمله وياريت الاجابه تكون موضحه في حاله وجود الاطفال ستقبلون ام لا

وتبقى أجابتنا على السؤال :-0

-------------------------

همسات ساكنة

اذا تقدم لكى رجل مطلق هل ستقبلين به عريسا ؟؟

انا مقدرش اقول اه او لا

اولا لازم الشخص نفسه اعرف يمكن هو شخص كويس
بس في حاله وجود اطفال مش حقبل الا في حاله واحده ان مثلا اكون كبر سني
لكن غير كده اعتقد انه يمكن يفكر في زوجته الاولى عشان ولاده يبقى انا ايه موقفي دلوقتيلكن في حاله اذا كان مطلق من دون اطفال افكر في الامر الاول واشوف الشخص نفسه مناسب او لا

------------------------------

bos bos

كل كلامك صح يا همسات فعلا المطلقة الناس بتنظر ليها نظرة غريبة كأنها عملت ذنب وكمان على فكرة فيه رجال مطلقون الناس بتبص ليهم نفس النظرة

المشكلة أن دى ثقافة مجتمع بحاله بالنسبة للسؤال

اذا تقدم لكى رجل مطلق هل ستقبلين به عريسا ؟؟

وليه لا هو المطلق ده مش بنى آدم ولا أيه وبعدين لية أحكم عليه غلط لمجرد أنه مطلق لما أعرف ظروفه وأعرف كل حاجة ساعتها هقدر أحكم هو كويس ولا لا
ولكن ما ينفعش أحكم عليه بأنه مش كويس لمجرد أنه مطلق
وأعرف كمان فيه أولاد ولا لا لأنه ده ممكن يأثر على أختيارى
لانه لو فيه أولاد ممكن يكون فيه مشكلة بالنسبة ليا مش لأنى مش عايزة أربيهم أو أشيل المسئولية معاه لا طبعا
لكن وجود الأولاد ممكن يكون سبب فى رجوعة لزوجتة أم أولادة فليه أنا أقف فى طريقة وطريقها وليه أحط نفسى فى موقف أنه ممكن يرجع لها وأنا متجوزاه أعتقد الموقف هيكون صعب
وساعتها هو أكيد هيفضل يعيش مع أم أولاده سواء أنا فضلت معاه أو لا وطبعا أنا برفض أكون زوجه لزوج متزوج أتنين مرة واحدة لكن لو من غير أولاد أكيد الوضع هيختلف وهفكر طبعا وهعرف كل حاجة وساعتها هقرر

----------------------------------

Smasem

انا باحس دايما ان المجتمع بيبص للمرأه المطلقه و مش بيبص اوى للرجل المطلقو ان كان المجتمع بينظر للرجل المطلق ففى نظرى انها نظره اقل حده من نظره المجتمع للمرأه المطلقه

و بالنسبه للسؤال
اذا تقدم لكى رجل مطلق هل ستقبلين به عريسا ؟؟

اه اقبل و لكن بشروط
1 - انه يكون راجل كويس متدين يخاف الله
2- ان يكون علاقته بطليقته انتهت مادام لا يوجد ابناء
3- اذا كان الابناء يعيشون مع والدتهم فاكيد من حقه ان يراهم ولكن افضل فى عدم وجود الام
4- اذا كان الابناء يعيشون معاه فلايوجد ادنى مشكله ان يروا امهم و لكن ايضا فى عدم وجود الاب
( الرجل المطلق )

------------------------------------

محمد سعيد

هل تقبل ان تتزوج امراه مطلقه ؟؟

بصراحة انا عمري ما أفكر اني اتجوز واحدة مطلقة, لأني في سني الحالي و بادراكي الحالي مقدرش اتخيل فكرة ان انا اتجوز واحده مطلقه - اصل هو يعني مافيش غيرها ؟؟-
البنات حواليا كتير بيحبوا و منهم بحبهم يبقي ليه افكر في واحدة مطلقة
انا مش لاقي أي سبب لكده

--------------------------------------

قلوب حائرة

اذا تقدم لكى رجل مطلق هل ستقبلين به عريسا ؟؟

ايوة اقبل
اذا ماتوفرت فيه كل شروط الي بحلم بيه
ماهو مش معقول اعقبه بذنب مش ذنبه
لو كان عنده أطفال عادى برضة ممكن اقبل قوي وممكن اربيها كمان معايا

------------------------------------

عاشقة الوطن

اذا تقدم لكى رجل مطلق هل ستقبلين به عريسا ؟؟

لو اتقدم ليا راجل مطلق الاول اعرف ايه سبب الطلاق مش يمكن يكون هو انسان مش كويس وبتاع مشاكل مثلا وممكن يكون ظلم اللى كانت معاه يبقي فى الحالة ديه اكيد مش هأقبل بيه
لكن لو عرفت ان هو انسان كويس وانه متوفقش مع اللى كان متجوزها يبقي فى الحالة ديه ممكن اعيد النظر تانى لو أهلى وافقوا
لو كان عنده اولاد كمان.. معتقدتش ان اول جواز ليا اتجوز واحد عنده اولاد
لا مش هوافق لانى اكيد عاوزة اعيش مع واحد وابدأ حياتى معاه
والمسئوليه اللى هتكون عليا تبقي مش من اولها كده اولاد ومش ولادى كمان
وممكن فى الحالة ديه مدهمش حقهم والرعاية مش كامله لانى اكيد هاكون عاوزة اعيش حياتى
وبالشكل ده هأظلمهم وأظلم نفسي كمان
-----------------------------

لولا

اذا تقدم لكى رجل مطلق هل ستقبلين به عريسا ؟؟

بصي يا ستي هي مطلق مش حاجة تعيبه مدام انسان كويس ومحترم بس انا احب اني اكون الزوجه الأولى والاخيرةبس صدقيني الوضع ممكن يختلف لو انا اتحطيت في الموقف ده

-------------------------------------

وفى النهاية بنتمنى يكون موضوعنا عجبكم وعلى فكرة السؤال الموجود ده للرجال وللبنات أعتبروه تاج وياريت أى حد يدخل ياخد السؤال عنده فى المدونة ويجاوبه ويبعته لأى حد يعرفه

وأحنا كمان هنعمل كده وهناخد السؤال عندنا فى المدونة ونحط أجابتنا عليه

مستنين رأيكم ومشاركتكم وملاحظاتكم